Mazmuny
Jutqynshaq arty abstsessi – jutqynshaqtyń artqy betindegi tinderge irińniń jınaqtalýy. Bul adam ómirine qaýip tóndirýi yqtımal jaǵdaı.
Jutqynshaqtyn anatomııalyq qurylymyna óńesh, keńirdek, kómekeı jáne badamshalar kiredi.
Jutqynshaq arty abstsessi kóbinese 5 jasqa deıingi balalarda damıdy, degenmen, bul atalmysh aýrý basqa jasta múldem kezdespeıdi deýge de bolmaıdy.
Infıtsırlengen materıal (iriń) jutqynshaqtyń artqy qabyrǵasynda jınaqtalady. Aýrý jutqynshaqtyń ınfektsıasyn juqtyrǵanda birden nemese juqtyrǵannan keıin ýaqyt óte paıda bolý múmkin.
• Tynys alý qıyndaıdy;
• Jutyný qıyndaýy;
• Silekeı aǵady;
• Joǵary qyzba oryn alady;
• Tynys alǵanda ysqyryqty dybys estiledi (strıdor);
• Tynys alý kezinde qabyrǵaaralyq bulshyqetter jıyrylady (qabyrǵa aralyq retraktsııa);
• Tamaqtaq qatty aýyrady;
• Basty burý qıynǵa soǵady.
Dárigerge jutqynshaǵyńyzdy teksertý qajet. Dáriger nemese meıirbıke jutqynshaqtyń artqy qabyrǵasyn maqtalyq tyǵynmen aqyryndap súrtedi. Bul em-shara jutqynshaqtaǵy daqyldy tekserýge arnalǵan laboratorııalyq tekserý ádisi bolyp tabylady.
Basqa da tekserý ádisteri:
• Jalpy qan taldamasy (JQT)
• Moıyndy kompıýterlik tomografııaǵa túsirý (KT)
• Moıynnyń rentgenografııasy
Zaqymdalǵan aımaqty tazalaý úshin hırýrgııalyq ádis qoldanylady. Keıde tynys joldarynyń isinýin azaıtý úshin kortıkosteroıdtar taǵaıyndalady.Infektsııany emdeý úshin antıbıotıkterdiń joǵary dozasyn tamyr ishine engizedi.
Osylaı, tynys alý joldary isiný kezinde bitelmeı qorǵanysta bolady.
Bul aýrý kezinde mindetti túrde shuǵyl medıtsınalyq kómekke júginý qajet. Bul jaǵdaıda tynys alý joldary bitelýi de múmkin. Ol ómirge qaýipti. Ýaqytynda emdelse, densaýlyq tolyq qalpyna kelýi múmkin.
• Tynys joldarynyń obstrýktsııasy (bitelýi)
• Aspıratsııa (tynys joldaryna ártúrli bóten zattardyń túsýi)
• Medastınıt (kókirek aımaqyndaǵy tinderdiń qabynýy)
• Osteomıelıt (súıketiń ishine ótip ketetin ınfektsııa)
Bul tizimde asqynýdyń barlyq túri jazylmady.
Eger ózińizdiń nemese balańyzdyń dene qyzýy tym joǵarlasa jáne tamaǵyńyz qatty ayrsa, dárigerge qaralyńyz.
Shuǵyl túrde jedel járdem shaqyryńyz, eger:
• Tynys alý qıyndasa,
• Tynys alý kezinde ysqyryqty dybystar (strıdor) estilse;
• Qabyrǵa arasyndaǵy bulshyqetter tynys alý kezinde kirip ketedi (qabyrǵaralyq retraktsııa)
Ýaqyty farıngıtti nemese basqa tynys alý ınfektsııalaryn dıagnostıkalap, emdese, jutqynshaq artqy abstsessiniń paıda bolýynyń aldyn alýǵa bolady.
Tegter:
jutqynshaq arty abstsessi
jutqynshaq
abstsess
iriń
jutynýdyń qıyndaýy
tynys alýdyń qıyndaýy
silekeı aǵý
joǵary temperatýra
tamaqtaǵy aýrý sezimi