Etekkir tsıkli – 1) aılyq tsıkl, alǵashqy etekkir kezeńiniń bastalýymen kelesi etekkirdiń bastalýyna deıingi kezeńde garmondardyń ózgerýimen sıpattalady; 2) aı saıyn áıel denesiniń júktilikke daıyndalý júıesi. Jatyrda endrometrııa dep atalatyn jańa qabyqsha paıda bolady; analyq bezderdiń biri analyq jasýsha bólip, ol óz kezeginde uryqtandyrylmaı, keıin analyq jasýsha etekkir kezeńinde jatyrdan aǵyp, túsip ketedi.
• 1-6 kúnniń arasy. Jatyr etiniń qabyǵy jumsaryp, ol óz kezeginde etekkirlik qan ketýdiń bastalýyna ákeledi. Etekkirdiń alǵashqy kúni – etekkirlik qan ketýdiń birinshi kúni.
• 7-den 14 kún boıy (follıkýlıarly kezeń). Jatyr qabyqtary júktilikke daıyndalý úshin jýandalady. Analyq jasýsha (aıyna bir ret) ishki qaptan (follıkýla) analyq bezge bólinýge daıyndalady.
• 15-ten 28 kúnge deıin (lıýtealdy kezeń). Analyq jasýsha bosaıdy (ovýlıatsııa).
Eger analyq jasýsha uryqtandyrylsa, ol jatyr qýysyna enip, qabyrǵaǵa bekitiledi. Júktilik bastalady.
Eger analyq jasýsha uryqtandyrylmasa, jatyrdyń ishki qabaty etekkir kezeńinde qandy suıyqtyq túrinde qynap arqyly deneden shyǵarylady. Bul tsıkl qaıtalanyp turady.