Mazmuny
Sınýsıt – muryn qýystary juqpalanatyn nemese qabynatyn aýrý. Muryn qýystarynyń qosalqylary (sınýstar) – bassúıektiń muryn qýysymen jalǵasatyn, aýa kiretin qýystar. Munda muryn qýysyna aǵatyn silemeı óndiriledi. Murynnyń bitelýi qýystardy biteýi múmkin jáne aýyrsynýdyń, juqpalanýdyń paıja bolýyna aparýy múmkin.
Murynnyń aǵýy jáne bitelýi sýyq tıgende, allergııada, muryn qýysynyń ınfektsııasynda nemese tumaýda oryn alady. Silemeı kóp óndirilýinde murynnyń aǵýy paıda bolady. Keıde murynnyń aldyńǵy bóliginde nemese kómeıdiń artqy qabyrǵasynda qosymsha silemeı bólinisi paıda bolady. (postnazaldyq sındrom). Muryn qýysynyń ishindegi silemeı qabaty qabynǵanda murynnyń bitelýi paıda bolady.
Sınýsıttiń túrleri: jiti; biraz ýaqytqa sozylǵan, tórt aptaǵa deıingi; sozylmaly, odan uzaq ýaqyt boıy sozylatyn. Jiti sınýsıt kóbinese, sýyq tııý sekildi bastalady, ol keıin bakterıaldyq ınfektsııamen asqynady. Allergııa, lastaýyshtar, murynnyń basqa derti jáne keıbir aýrýlar da sınýsıtti týyndatýy múmkin.
Sınýsıttiń sımptomdary: qyzba, álsizdik, sharshaý, jótel jáne murynnyń bitelýi. Sondaı-aq, kómeıdiń artqy qabyrǵasy boıynsha silemeı bólindisiniń aǵýy múmkin, bul postnazaldyq sındrom atalady.
Emdeýge antıbıotıkterdi, isinýge qarsy jáne aýyrsynýdy basatyn preparattardy qabyldaý kiredi. Sondaı-aq, qabyný aýmaǵyna jyly kompress basý, tuzdy nazaldyq spreıler jáne ıngalıatorlar (býlaǵyshtar) kómektesedi.