Mazmuny
Qaıta sýlandyrý úshin ishiletin eritindiler degenimiz ne?
Qusý kezinde joǵaltylǵan suıyqtyqty tolyqtyrý
Ish ótýi kezinde joǵaltylǵan suıyqtyqty tolyqtyrý
Qaıta sýlandyrý úshin ishiletin eritindiler degenimiz ne?
Qaıta sýlandyrý úshin ishiletin eritindiler – qusý men ish ótýi kezinde joǵaltylatyn suıyqtyq pen qorektik zattekterdi tolyqtyrýdyń ońtaıly quraly. Bul eritindiler sábılerge de, balalar men eresekterge de qaýipsiz. Olar birneshe túrde shyǵarylady:
- Untaq, olardy sýmen ezý qajet;
- Suıyqtyq, tutynýǵa daıyn eritindi;
- Muzdatylǵan jemis balmuzdaǵy.
Dárihanadan Regıdron jáne basqa eritindilerdi satyp alýǵa bolady.
Qusý kezinde joǵaltylǵan suıyqtyqty tolyqtyrý
Qusý kezinde joǵaltylǵan suıyqtyqty tolyqtyrý úshin eritindiniń azdaǵan mólsherin jıi qabyldaýdan bastaý qajet, mysaly, ár mınýt saıyn 1 sháı qasyqtan. Eger naýqas suıyqtyqty sińire alatyn bolsa, birtindep, baıaý túrde onyń mólsherin arttyrý qajet. Eger qaıta sýlandyratyn suıyqtyqty qabyldaǵannan keıin qusý paıda bolsa, 30-60 mınýt kútińiz, sodan keıin birneshe ret jutyp kórińiz. Suıyqtyqtyń shaǵyn úlesterin qabyldaý bir márte úlken úlesin ishkenge qaraǵanda jaqsy sińiriledi. Qusý toqtaǵanda ishiletin qaıta sýlandyrý eritindisiniń mólsherin arttyrýǵa bolady, jáne oǵan qaınatpalardy nemese gazdalǵan sýsyndardy qosýǵa bolady. Qabyldanatyn suıyqtyqtyń shaǵyn úlesteri asqazannyń buzylysyn az týyndatady.
Ish ótýi kezinde joǵaltylǵan suıyqtyqty tolyqtyrý
Eger naýqasta ish ótýi bolsa, ol qajet bolsa, qaıta sýlandyrý eritindilerimen qatar basqa da sýsyndardy qabyldaýyna bolady. Dáriger balanyń nemese eresektiń ishken suıyqtyǵynyń mólsherin qadaǵalaýdy suraıdy. Suıyqtyqtyń mólsherin qasyq nemese ólshem staqany arqyly ólsheýge bolady.