Mazmuny
Gıdrotsele – bul umanyń qýysynda suıyqtyq jınalýy.
Gıdrotsele jańa týǵan sábılerde jıi kezdesedi.
Erlerdiń reprodýktıvtik júıesine jynystyq múshe, uma, uryqtyq tútikter jáne qýyq asty bezi jatady.
Sábıdiń ananyń qursaǵynda damýy kezinde atalyq bezder uryqtyń ish qýysynan tútik arqyly umaǵa túsedi. Osy tútik jabylmasa, gıdrotsele paıda bolady. Ol arqyly suıyqtyq ish qýysynan umaǵa aǵady. Bul onyń isinýine aparady.
Kóbinese, gıdrotsele týǵannan keıin birneshe aıdan keıin ótedi. Keıde aýrý shaptyń jaryǵymen qosa paıda bolýy múmkin.
Sondaı-aq, gıdrotsele kelesilermen baılanysty bolýy múmkin:
- Atalyq bezdiń mańynda qalypty suıyqtyqtyń jınalýymen. Bul organızmde suıyqtyqtyń irkilýinde paıda bolýy múmkin. Gıdrotseleniń mundaı túri egde jastaǵy erlerde jıi kezdesedi.
- Atalyq bezdiń nemese onyń qosalqylarynyń qabynýymen nemese jaraqatymen.
Negizgi sımptomy – atalyq bezderdiń aýyrsynbaı isinýi, olar sýly shar sekildi kórinedi. Gıdrotsele birjaqty nemese ekijaqty da bolady.
Dáriger medıtsınalyq tekserý júrgizgende, isingen, biraq, basqanda aýyrmaıtyn umany baıqaıdy. Kópshilik jaǵdaıda suıyqtyq jınalýyna baılanysty dárigerdiń atalyq bezdi basyp baıqaýyna múmkindik bolmaıdy. Umanyń suıyqtyqqa toly ólshemi ishti nemese umany basqanda úlkeıip, azaıýy múmkin. Eger osy kezde umanyń ólshemi ózgeretin bolsa, bul shaptyń jaryǵy bolýy múmkin.
Gıdrotseleni isinge aýmaqqa fonardyń jaryǵyn túsirip jeńil anyqtaýǵa bolady. Eger uma móldir suıyqtyqqa toly bolsa, ol jaryqty ótkizedi. Aýrýdyń dıagnozyn naqtylaý úshin ÝDT (ÝZI) jasaý qajet bolýy múmkin.
Kópshilik jaǵdaıda gıdrotsele –qaýipsiz. Ol tek ınfektsııa qosarlansa nemese jaısyzdyq paıda bolsa ǵana emdeledi. Shaptyń jaryǵy kezindegi gıdrotseleni tezirek operatıvtik jolmen emdeý qajet. Eger aýrý birneshe aıdan keıin ótpese, hırýrgııalyq emdeý qajet bolýy múmkin. Máseleni joıý úshin gıdrotseleektomııa (umanyń qabyqshasyn alyp tastaý) atty operatsııa jasalady. Drenaj jasaý tıimsiz, sebebi, suıyqtyq qaıtadan jınalady.
Gıdrotsele balalarda hırýrgııalyq aralasýdy qajet etpeıdi. Eresekterde gıdrotsele ózdiginshe ótpeıdi. Qajet bolsa, jaqsy boljamdy jáne qarapaıym operatsııa jasalady.
Operatıvtik aralasý kezinde kelesi asqynýlar paıda bolýy múmkin:
- Trombylardyń (qan uıyndylarynyń) paıda bolýy
- Infektsııalar
- Umanyń jaraqaty
Gıdrotsele sımptomy bolsa, dárigerge kóriný qajet. Bul atalyq bezderdiń isinýin týyndatatyn basqa aýrýlardy eskerý úshin qajet.
Umadaǵy nemese atalyq bezdegi aýyrsyný shuǵyl medıtsınalyq kómekti qajet etedi. Eger Sizde aýyrsyný bolsa jáne umanyń ólshemi ulǵaısa, atalyq bezdi joǵaltýdy boldyrmas úshin, shuǵyl túrde medıtsınalyq kómekke júginińiz.
Atalyq bezdiń shemeni.