Mazmuny
Pılorostenoz – bul asqazannyń qaqpasynyń tarylýy, onyń saldarynan asqazannan ishekke tamaqtyń ótýine kedergi keledi.
Qalypty jaǵdaıda tamaq asqazannan ash (jińishke) ishektiń bastapqy bóligine asqazannyń qaqpasy arqyly ótedi. Qaqpanyń stenozynda onyń bulshyq etteriniń qalyńdaýy bolady. Asqazannan ash ishekke tamaqtyń ótýi úshin kedergi paıda bolady.
Qaqpanyń bulshyq etteriniń qalyńdaýynyń sebebi belgisiz. Belgili bir roldi gender atqaratyndyǵy belgili, ata-anasynda pılorostenoz bar adamdarda jıi paıda bolady.
Pılorostenoz 6 aılyq jasqa deıingi balalarda jıi kezdesedi. Uldar qyzdarǵa qaraǵanda jıirek aýyrady.
Kópshilik balalardaǵy alǵashqy sımptom – qusý:
- Qusý ár tamaqtanýdan nemese keıbir tamaqtanýdan keıin ǵana paıda bolýy múmkin
- Ádette, qusý shamamen, 3 aptalyq jastan bastalady, biraq, 1 aptalyq jáne 5 aılyq jas aralyǵynda kez kelgen ýaqytta bastalýy da múmkin.
- Tez qusý
- Qusýdan keıin bala ashyǵady
Basqa sımptomdary týǵannan keıin birneshe aptadan keıin paıda bolady jáne oǵan kiretinder:
- Ishtegi aýyrsyný
- Kekirý
- Udaıy ashyǵý sezimi
- Sýsyzdaný (qusý kúsheıgen saıyn nasharlaıdy)
- Salmaq qospaıdy nemese joǵaltady
- Tamaqtandyrý aldyndaǵy jáne qusý paıda bolýynyń aldyndaǵy ishtiń tolqyn tárizdi qımyly.
Aýrý, ádette, 6 aılyq jasqa deıin anyqtalady.
Medıtsınalyq qarap, tekserý aldynda kelesi belgiler anyqtalýy múmkin:
- Sýsyzdaný belgileri, mysaly, teri men erinniń qurǵaqtyǵy, kóz jasynyń azaıýy, qurǵaq jaıalyqtar
- Ishtiń kebýi
- Ishtiń joǵarǵy bóligindegi – qaqpa tusyndaǵy domalaq túzilis
Aldymen, ish qýysynyń ÝDT (ÝZI) jasaý qajet. Basqa tekserý ádisteri:
- Barıı qospasymen rentgenografııa – úlkeıgen asqazandy jáne stenozdy qaqpany anyqtaıdy.
- Qan taldaýy – elektrolıttik úılesimsizdik jıi anyqtalady.
Pılorostenozdy emdeýde qaqpaǵa hırýrgııalyq aralasý qarastyrylady. Operatsııa pılorotomııa atalady.
Jas sábıge jalpy narkoz berý qaýipti bolsa, ushynda shaǵyn ballon bar endoskop atalatyn qurylǵy qoldanylady. Ballon qaqpany keńeıtý úshin úrlenedi.
Operatsııa jasalmaıtyn sábılerge zondpen tamaqtaný nemese qaqpany bosańsytý úshin dárilik preparattar taǵaıyndalady.
Hırýrgııalyq emdeý ádette, barlyq sımptomdardy joıady. Operatsııadan keıingi birneshe saǵattan keıin azdap tamaqtandyra bastaýǵa bolady.
Balada bul aýrýdyń sımptomdary bolsa, dárigerge kóriný qajet.
Qaqpanyń (pılorýstyń) týa bitken gıpertrofııalyq stenozy; Qaqpanyń (pılorýstyń) balalyq gıpertrofııalyq stenozy; Asqazannyń obstrýktsııasy.