Bul ne? Gangrena – dep, tinderdiń ydyraýy men jansyzdanýyn aıtady. Jaraqattyń nemese ınfektsııanyń saldarynan, tinderge kelip turaqty kelip turatyn qan toqtap qalǵanda osyndaı jáıt oryn alady. Tindik nekrozdan keıin oǵan bakterııalar juǵyp, sodan tinder ydyraıdy.
Gangrenanyń damý yqtımaldyǵy tómendegideı aýrýlarmen jáne jaǵdaılarmen baılanysty:
• Dıabet
• Qan-tamyr aýrýlary (qol nemese aıaq aterosklerozy)
• Aýyr jaraqattar
• Hırýrgııalyq jaǵdaılar
• AITV-ınfektsııasynyń nemese hımıoterapııanyń áserinen ımmýn júıesiniń buzylýy
Gangrenanyń belgileri - sebebine jáne ornalasýyna baılanysty bolady. Eger zardap shekken jerler teri men astyńǵy tinderdiń arasynda bolsa, belgileri kelesideı bolady:
• Teri túsiniń ózgerýi (teri bolsa, kók nemese qara, teri astyndaǵy tin bolsa, qyzyl nemese qola tústi bolady)
• Sezimtaldyǵy joǵalady (ádette sol aımaqtaǵy qatty aýyrsynýdan keıin paıda bolady)
• Zaqymdaný aımaǵynda jaǵymsyz ıisti bólindilerdiń shyǵýy.
Ishki músheler zaqymdalsa (ót gangrenasy nemese gazdy gangrena), belgileri mynalardy qamtıdy:
• Turaqty jáne qatty aýrý sezimi bolady;
• Dene qyzýy kóteriledi;
• Jalpy jaǵdaıy nasharlaıdy;
• Septıkalyq shok alady.
Gangrena dıagnostıkasy kelesi sharalardy qamtıdy:
• Jalpy qan taldaýy (aq qan (leıkotsıtterdiń) kletkalarynyń sany)
• Deneniń zardap shekken bóligin rentgenologııalyq tekserýi
• Ishki aǵzalardyń kompıýterlik tomografııasy
• Gangrenany rastaý úshin zaqymdalǵan aımaqty hırýrgııalyq tekserýden ótkizý;
• Ólgen tindi tekserý úshin mıkroskopııalyq zertteý júrgizý;
• Bakterııaly ınfektsııaǵa arnalǵan tindik úlgidegi bakterıologııalyq zertteý ótkizý;
• Arterıografııa, tamyrly buzylystardy emdeýdiń durys taktıkasyn jasaý úshin.
Gangrena deneniń biren-saran bóligin zaqymdasa, mysaly, qol,aıaq saýsaqtary nemese aıaqtyń biraz bóligi muzdaǵany sııaqty, tinniń úlken aımaǵyna áser etýi múmkin. Qan aınalymy nashar adamdarda (mysaly, qant dıabetimen aýyratyn naýqastarda) jaraqattar men teri ınfektsııalaryn ýaqtyly emdemegen jaǵdaıda gangrenany damytý qaýpi artady.
Emdelý
Gangrena ýaqytyly dereý emdeýdi talap etetin aýrý. Bul zaýaldy tolyqqandy emdeý úshin zardap shekken jerdegi qan aınalymyn qalpyna keltirý kerek, ınfektsııany joıyp, óli jáne óletin tinderdi qurtý qajet. Gangrena asqynǵan jaǵdaıda, deneniń kez-kelgen bóligin ampýtatsııalaý kerek: mysaly, qoldaǵy nemese aıaqtaǵy saýsaqty.
Tegter:
Gangrena
Teri túsiniń ózgerýi
Qant dıabeti
Teri jaraqattary
Tinderdiń jansyzdanýy
Ampýtatsııa