Mazmuny
Trıhomonıaz – qozdyrýshysy inshek trıhomanadasy Trichomonasvaginalis bakterııasy bolatyn aýrý. Bul ınfektsııa jynystyq jolmen beriledi.
Áıelderdiń jynystyq júıesi
Erlerdiń jynystyq júıesi
Kóbinese, juqpalaný naýqas adammen nemese ınfektsııany juqtyrǵan adammen jynystyq qatynasta oryn alady.
Juǵýyna sebep bolýy múmkin:
· Qorǵanyssyz jynystyq qatynas;
· Jynystyq seriktesterdiń kóp bolýy;
· Venerologııalyq aýrýlardyń emdelmeýi nemese buryn bolýy;
· Jynystyq seriktesterdi tańdamaý;
Inshek trıhomonadasy jalǵan aıaqshalarymen belsendi qozǵalýǵa qabiletti. Nesep shyǵarý joldaryna nemese jynystyq aǵzalarǵa túsip, trıhomonadalar jasýshalarǵa aıaqshalarymen tez bekıdi. Odan keıin mıkroorganızmder qarqyndy kóbeıe bastaıdy. Olar tym kóbeıip ketse, adamnyń jasýshalaryn zaqymdaı bastaıdy.
Trıhomonıaz oıyqjara túzilýin týyndatady, bul vırýstardyń juǵý qaýpin arttyrady, mysaly, V jáne S gepatıtin. Bul jynystyq jolmen taralatyn keń taralǵan juqpalar.
Áıelderde trıhomonadalar jatyr moınynda, inshekte, qýyqta, nesep shyǵarý jolynda anyqtalady. Erlerde trıhomonadalar nesep shyǵarý jolynda, qýyq asty bezinde ,atalyq bezdiń qosalqysy men sháýette anyqtalady.
Áıelderde:
· Sımptomdary juqpalanýdan keıin 28-shi kúnge qaraı kórinis beredi
· Jynystyq qatynas kezindegi jaısyzdyq
· Bókseniń ishki betindegi qyshý
· Inshekten bólindi shyǵýy (azdaǵan, jasyl-sary, kópirshikti)
· Inshek qyshýy (jynys joldarynyń qyshýy)
· Klıtordyń isinýi
· Jynystyq joldardan jaǵymsyz ıis shyǵýy.
Erlerde:
· Nesep shyǵarýdan nemese sháýet shashýdan keıin kúıdirý sezimi
· Úrpiniń qyshýy (nesep shyǵarý joly)
· nesep shyǵarý jolynan azdaǵan bólindi shyǵýy
Trıhomonıazdy anyqtaý úshin inshekten (áıelderde) nesep shyǵarý joldarynan, qýyq asty beziniń sólinen (erlerde) juǵyndy alyp, mıkroskoppen qaraıdy. Jalpy juǵyndy nátıjesi zertteýdiń dál ádisterimen rastalady.
Áıelderge qaraǵanda erlerde aýrýdy anyqtaý qıynyraq.
Ádette, emdeý úshin metronıdazol jáne basqa antıbıotıkter qoldanyldady. Dári ishý kezinde jynystyq qatynasqa túspeý jáne alkogol ishpeý qajet. Qos jynystyq seriktes te emdelýi tıis, aýrýdyń sımptomdary bireýinde bolmasa da.
Durys emdeýde aýrý tolyǵymen jazylady.
Aýrýdyń múmkin asqynýlary - jatyr moınynyń qaterli isigi , bedeýlik, AITV (VICh), sondyqtan, dereý dárigerge kóriný qajet.
Erlerde keıde trıhomonıazdyń saldarynan prostatıt (qýyq asty beziniń qabynýy) damýy múmkin.
Trıhomonıazǵa kúmándansańyz nemese sımptomdary bolsa, dárigerge kórinińiz.
Ózińiz emdelip, jynystyq seriktesińiz emdelmese, qaıtadan jeńil juqtyrýyńyz múmkin.
Jynystyq seriktesińizge aýrý týraly habarlaý mańyzdy, ony eshnárse mazalamasa da tekserýden ótip, emdelgeni durys. Aýrýdyń sımptomsyz ótýi onyń asqynýynyń damý qaýpin azaıtpaıdy.
Monogamdyq (1 ǵana jynystyq seriktes) qatynastar – aýrýdyń aldyn alýda senimdilik beredi.