Mazmuny
Traheıt –kómeıdiń (keńirdektiń) bakterıaldyq ınfektsııasy.
Bakterıaldyq kóbinese, altyn tústi stafılokokk bakterııasynan bolady. Ádette, aýrý joǵarǵy tynys alý joldarynyń jaqynda bolǵan vırýstyq juqpasynan keıin paıda bolady. Traheıt kishkentaı balalarda jıi kezdesedi, sebebi, olardyń shaǵyn kómeıi isinýmen jeńil biteledi.
- Qyspaq jótel (qylǵynatyndaı)
- Tynys alýdyń qıyndaýy
- Joǵary qyzba
- Ysqyratyndaı shýly tynys alý (strıdor)
Dáriger naýqasty qarap, stetoskoptyń kómegimen ókpeni tyńdaıdy. Qaraýdyń barysynda tynys alý kezinde qabyrǵanyń arasyndaǵy bulshyq ettiń ishine qaraı tartylýy baıqalýy múmkin. Bul qabyrǵa aralyq retraktsııa atalady.
Aýrýdy anyqtaýdyń ádisteri:
- Qandaǵy otteginiń deńgeıin anyqtaý
- Muryn-jutqynshaqtan bakterııanyń ósindisin alý
- Keńirdekten bakterııanyń ósindisin alý
- Keńirdektiń rentgeni.
Tynys alýdyń máselelerin joıý úshin kóbinese, balanyń tynys alý joldaryna endotrahealdyq tútik atalatyn arnaıy tútikti engizý qajet bolady.
Balaǵa kóktamyr arqyly antıbıotıkter engizý taǵaıyndalady. Qajet bolsa, medıtsına qyzmetkerleri tynys alýdy jáne qannyń ottegimen qanyǵýyn muqııat baqylaıdy.
Boljamy
Ýaqytyly emdegende oń boljamdy.
Tynys alý joldarynyń bitelýi – ólim-jitimge aparýy múmkin.
Infektsııalyq-ýyttyq shok – eger traheıt stafılokokk bakterııalarynan týyndaǵan bolsa.
Traheıt – shuǵyl medıtsınalyq kómekti talap etetin aýrý. Eger vırýstyq ınfektsııadan keıin balada kenetten joǵary temperatýra, ýshyǵatyn jótel, nemese tynys alýdaǵy máseleler paıda bolsa, shuǵyl medıtsınalyq járdem bólimshesine habarlasyńyz.
Bakterıaldyq traheıt; Jiti bakterıaldyq traheıt