Mazmuny
Parvovırýstyq ınfektsııa (besinshi aýrý) – bette, qol-aıaqta bóritken paıda bolýyna aparatyn vırýstyq ınfektsııalyq aýrý.
Aýrý kóbinese, mektepke deıingi jáne mektep jasyndaǵy balalarda kóktem kezinde baıqalady. Aýrý aýa-tamshy jolymen taralady jáne jeńil túrde ótedi.
Parvovırýstyq ınfektsııa – vırýstyq aýrý, enjar sımptomdarmen jáne bettegi, qol-aıaqtaǵy bóritken daqtarmen sıpattalady.
Aýrý adamnyń B19 parvovırýsymen juqpalanýda paıda bolady.
Parvovırýstyq ınfektsııa kezinde kelesi sımptomdar baıqalady:
- Ashyq tústi teńbil bóritken aldymen bettiń ushynda paıda bolady (betti «alaý» shalǵandaı). Odan keıin denege, qol-aıaqqa taraıdy. Parvovırýstyq ınfektsııada ortadan shetke qaraı joıylady, tor-shilter tárizdenedi. Bóritken 1-2 apta ishinde tolyǵymen ótedi.
- Qyzba
- Býynnyń aýyrsynýy
- Ýaqytsha anemııa (qanda fýnktsıonaldyq tolyqqundy qyzyl jasýshalar-erıtrotsıtterdiń mólsheri tómendeıtin jaǵdaı).
Aýrýdy anyqtaý úshin dárigerdiń qaraýy jetkilikti, sebebi, parvovırýstyq ınfektsııanyń tek ózine ǵana tán bóritkeni bolady. V19 parvovırýsyna qarsy antıdenelerge (qandaǵy aqýyzdyq qosylystar, olar bakterııalar men vırýstar sekildi bógde organızmderdi anyqtap, joıýǵa múmkindik beredi) qant taldaýy dıagnozdy naqtylaı alady.
Parvovırýstyq ınfektsııa kezinde arnaıy emdeý qajet bolmaıdy. Eger balada qyzba bolsa, jaǵdaıdy jaqsartý úshin qyzýdy túsiretin kez kelgen preparat berilýi múmkin.
Kópshilik jaǵdaıda qandaı da bir asqynýsyz tolyq saýyǵý oryn alady.
Balalarda aýrý jıi jeńil túrde ótse de, keıde sırek asqynýlar bolady, alaıda, eger parvovırýstyq ınfektsııaǵa júkti áıel shaldyqsa, bul uryqtyń damýynda kúrdeli buzylystarǵa aparýy múmkin.
Parvovırýstyq ınfektsııaǵa kúmán bolatyn júkti áıel tezirek dárigerdiń keńesin alýy tıis.
Juqpalanýdyń aldyn alý úshin tamaq isherdiń aldynda jáne naýqastarmen qatynastan keıin qoldy muqııat jýý qajet.