Mazmuny
Qabaqtyń asa jıi kezdesetin aýrýlarynyń biri – blefarıt, qabaqtyń shetiniń qabynýy.
Blefarıtke shaldyqqan naýqastardyń kópshiligi kózderiniń mańaıynyń qyshýyn, ashýyn, bógde zat turǵandaı bolýyn, oıanǵan kezde qabyrshaqtardyń paıda bolýyn nemese jabysýyn sezinedi. Tekserip qaraǵan kezde qabaqtyń shetiniń qyzarýy, al kirpikte qabyrshaqtardyń bolýy baıqalady. Sondaı-aq, konıýnktıvanyń (kózdiń silemeı qabyǵynyń) qyzarýy nemese silemeı bólinýi oryn alady.
Blefarıt qabaqtyń sozylmaly bakterıaldyq ınfektsııasy kezinde, kózdiń meıbomııalyq bezderiniń qyzmetiniń buzylysynda, seboreıa nemese «kóz rozatseasy» atalatyn aýrýda kezdesedi. Bul dıagnoz samaıdaǵy, jaqtaǵy, muryndaǵy jáne ıektegi qantamyrlarynyń keńeıýimen (teleangıektazııa) rastalady.
Blefarıtti negizgi emdeý jyly kompress qoıý, qabaqqa arnalǵan skrabtar (óńezdi shaıý úshin) jáne antıbıotıkti jaqpa maılardy qoldaný arqyly ótedi. Jyly kompresti 15 mınýtten, kúnine eki ret qoldaný qajet. Bul qabaqty titirkendiretin qabyrshaqtardy eritýge jáne meıbomııalyq bezderdiń sańylaýyn biteıtin silemeı óndirýin azaıtýǵa yqpal etedi. Jyly kompresten keıin qabaqqa skrab jaǵý qajet. Ol úshin balalarǵa arnalǵan sýsabyndy sýǵa ezip, kóbigin shyǵarý qajet. Qabaqty jaýyp, shetin muqııat túrde osy eritindimen maqta taıaqshamen nemese saýsaqpen tazartý qajet. Qabaqtyń shetine erıtromıtsındi nemese basqa antıbıotıkti jaqpa maı jaǵý qajet. Jaqpa maıdy uıqyǵa keterde qoldaný qajet, sebebi, onyń saldarynan kórý buldyraýy múmkin. Infektsııa anyqtalǵan jaǵdaıda antıbıotıkti kóz tamshylary qoldanylýy múmkin.
Eger aýrý qoldanylǵan emge ketpegen jaǵdaıda, bakterıaldyq taldaý jasaý (qabaqtan juǵyndy alý) qajet, bul rezıstenttik (antıbıotıkterge turaqty) mıkroorganızmdermen juqpalaný múmkindigin anyqtaý úshin qajet. Mundaı jaǵdaılarda nemese «kóz rozatseasy» anyqtalǵan adamdarǵa ishke qabyldanatyn antıbıotıkter taǵaıyndalýy múmkin. Aýyr jaǵdaıda blefarıt móldirqabyqtyń oıyqjarasyna nemese ınfıltrat paıda bolýyna aparýy múmkin. Sırek jaǵdaıda rezıstenttik birjaqty nemese ekijaqty blefarıttiń sebebi bez kartsınomasy bolýy múmkin.
Naýqastar blefarıttiń sozylmaly aýrý ekendigin jáne qabaqtyń gıgıenasyn únemi qadaǵalaý qajettigin bilýi tıis. Onyń barysyn baqylaýǵa alǵan kezde naýqastarǵa kúnine bir ret skrabty qoldaný jetkilikti bolady.