Mazmuny
«Aýyzdyń ashyp aýrýy» degen ne?
«Aýyzdyń ashyp aýrýy» sındromynyń sıpmtomdary qandaı bolady?
«Aýyzdyń ashyp aýrýy» sındromy qandaı sebepterden týyndaıdy?
«Aýyzdyń ashyp aýrýy» sındromyn dáriger qalaı dıagnostıkalaıdy?
«Aýyzdyń ashyp aýrýy» sındromy ádette qalaı emdeledi?
Jaǵymsyz sezinýdi jeńildetý úshin qandaı sharalardy oryndaýǵa bolady?
«Aýyzdyń ashyp aýrýy» sındromy degen ne?
«Aýyzdyń ashyp aýrýy» sındromy – aýyz qýysynda, erinde , nemese tilde aýyrsyný jáne jaısyzdyq belgileriniń paıda bolýyn aıtady. Eger bul aýyrsynýdyń naqty basqa da sebepteri bolmasa, onda bul «Aýyzdyń ashyp aýrýy» sındromynyń alǵashqy belgileri bolyp tabylady. Eger aýyrsyný basqa aýrý túrine baılanysty bolsa, onda bul – ekinshilik «Aýyzdyń ashyp aýrýy» sındromy dep atalady.
«Aýyzdyń ashyp aýrýy» sındromy er jáne áıelder arasynda birdeı taraǵan, degenmen, áıel adamdar arasynda jıi kezdesedi. Kóbinese áıelderdiń menapaýza nemese sodan keıingi kezeńderine tán jaǵdaı bolyp tabylady.
«Aýyzdyń ashyp aýrýy» sındromynyń belgileri qandaı bolady?
«Aýyzdyń ashyp aýrýy» sındromyna shaldyqqan adamdar únemi aýyzdaryn ystyq sýǵa kúıdirip alǵandaı sezimde júredi. Sondaı- aq aýyz qýystary qurǵap, aýyrsyný mazalap, aýyzdarynda ashy nemese temir dámi tatyp turýy múmkin. Bul aýrýǵa shaldyqqan keıbir adamdardyń aýyz qýysy únemi aýyryp turady. Basqa adamdarda aýyrsyný basylyp, keıde qaıta órship turýy múmkin. Aýyrsynýlar kúnniń erte ýaqyttarynda az bilinip, qalǵan bóliginde birtindep asqynýy múmkin.
«Aýyzdyń ashyp aýrýy» sındromy qandaı sebepterden týyndaıdy?
Zertteýshiler mundaı aýyrýdyń sebebiniń biri - tildegi dám sezgish jáne aýyrý sezimderin basqaratyn jýıkege baılanysty dep joramaldaıdy. Basqa da múmkin bolatyn sebepterge mynalar jatady:
• Nárli zattardyń tapshylyǵy
• Azyq-túlikterde bolatyn dámdeýishtermen qospalarǵa bolatyn allergııa
• Keıbir dári dármekterdi qoldaný
• Menapaýza kezindegi áıel aǵzasyndaǵy gormanaldy ózgeristr
• Aýyzdyń qurǵaýy
Qyshqyl reflıýksi sııaqty aýrý túri de aýyz qýysynyń kúıýine sebep bolýy múmkin.
«Aýyzdyń ashyp aýrýy» sındromyna shaldyqqan adamdardyń kópshiliginde kúızelis pen mazasyzdyq kezdesedi. Biraq bul másele aýrýdyń sebebine jata ma joq álde,aýyzdaǵy uzaq ýaqyt boıǵy aýyrsynýdan kúızelis pen mazasyzdyq paıda bola ma naqtysy belgisiz.
«Aýyzdyń ashyp aýrýy» sındromyn dáriger qalaı dıagnostıkalaıdy?
«Aýyzdyń ashyp aýrýy» sındromyn dıagnostıkalaýdyń qarapaıym ádisi joq. Kúıýip turýdyń naqty sebebin anyqtaý úshin, dáriger aýyz qýysyn qarap shyǵyp, aýrý kezeńin egjeı – tegjeıli surastyrady. Sondaı-aq, birneshe zertteýler júrgizip, bul belgilerdiń paıda bolý sebepterin anyqtaýǵa tyrysady. Eger eshqandaı da basqa sebepter anyqtalmasa, onda sizde,bastapqy «Aýyzdyń ashyp aýrýy» sındromy bolýy múmkin.
«Aýyzdyń ashyp aýrýy» sındromy ádette qalaı emdeledi?
Emdeý tásili aýyz qýysynda paıda bolǵan aýrý sebepterine baılanysty júzege asady. Eger dárigerińiz aýrý týdyryp turǵan naqty máseleni tapsa onda, sol máselege baılanysty em qoldaný arqyly aýrý belgilerin jeńildetýge bolady. Mysaly, kandıdoz dep atalatyn ashytqyly ınfektsııasynyń belgileri tabylsa, sańyraýqulaq ınfektsııasyna qarsy dári dármekter qoldaný arqyly emdeýge bolady. Arnaıy silekeı almastyrǵyshtar aýyzdaǵy qurǵaqtyqty basýy múmkin. Nárli zattardyń tapshylyǵy bolǵan jaǵdaıda, dáriger sizge temir, folıı qyshqyly, tsınk nemese V tobyndaǵy dárýmenderdi qabyldaýyńyzdy usynady.
Eger dáriger belgilerdiń sebebin anyqtaı almasa, emdeý tásilin aýyrsynýdy basýǵa, jaǵymsyz belgilerin joıýǵa baǵyttaıdy. Sondaı – aq, kúızelis pen mazasyzdyqty emdeıtin dári dármekter de «Aýyzdyń ashyp aýrýy» sındromy kezinde paıdaly bolýy múmkin. Mundaı dári -dármekter ne úshin paıdaly ekeni belgisiz. Aýyz qýysyndaǵy júıke júıege áser etýi múmkin dep esepteledi. Baqytqa oraı, mundaı aýrý belgileri bar adamdardyń 30-50 %-y ózdiginshe jazylyp ketken. Em sharasyz-aq emdelý ábden múmkin bolady.
Jaǵymsyz sezinýdi jeńildetý úshin qandaı sharalardy oryndaýǵa bolady?
Tómende «Aýyzdyń ashyp aýrýy» sındromynyń belgilerin jeńildetýge arnalǵan keıbir keńester berilgen:
• Suıyqtyqty kóbirek ishińiz
• Aýzyńyzda muz bólshegin ustap turyńyz
• Ystyq, tátti taǵamdardy paıdalanbańyz
• Quramynda spırt bar, aýyz shaıǵyshtardy paıdalanbańyz
• Basqa markadaǵy tis pastasyn qoldanyp kórińiz
• Quramynda kóp mólsherde qyshqyl bar, tsıtrýstyq nemese gazdy sýsyndar men kofeler sııaqty azyq-túlik túrlerin paıdalanbańyz
• Alkogol men tabak ónimderin qabyldamańyz
Aýyz qýysyndaǵy máseleler (erlerde / áıelderde)
Tegter:
aýyz
aýyzda kúıýi
aýyzdyń ashyp aýrýy
sımptom
emi
aýrýy
tis dárigeri