Mazmuny
Ózine kútim jasaý boıynsha keńester
Dárigerge qashan qaralý kerek
Sholý
Kandıdozdy stomatıt ta monılıoz sekildi kópke beligi aýyz qýysy men tamaqtyń ashytqyly ınfektsııasy bolyp tabylady. Aýrýdyń jıi qozǵaıtyn qozdyrǵyshy Candida Albicans ashytqy tárizdi sańraýqulaǵy bolyp tabylady.
Qaýipti toptar
Kandıdozdy stomatıtpen balalar jıi aýyrady. Atalmysh aýrýǵa tap bolatyn qaýipti faktorlarǵa mynalar jatady:
• Qant dıabeti nemese basqa da endokrındi aýrýlar;
• Jasandy tis salyp júretinder;
• Uzaq ýaqyt antıbıotık qabyldaǵandar;
• Hımıoterapııa;
• Keıbir dárilik preparattardy qabyldaǵanddar;
• Jetkilikti tamaqtana almaıtyndar;
• AITV ınfektsııasy sekildi, ımmýndy júıesi álsiregender;
• Ókpe aýrýyn emdeý úshin sterıoıdty shaıǵysh dárilerdi qoldanatyndar;
• Júkti áıelder jáne júktilikke qarsy tabletkalardy qabyldaǵandar.
Sımptomdary
Kandıdozdy stomatıt aýyz qýysynyń joǵarǵy jaǵynda, tamaqta, tilde jáne erinde aq nemese ashyq-sary tústi daqtardyń paıda bolýymen kórinis tabady. Onyń syrtqy túri kádimgi irimshikke uqsap keledi. Degenmen bul qaqatardy qyryp arý qıynǵa soǵady, jáne onyń saldarynan oıyq jaralardyń paıda bolýyna aparýy yqtımal.
Stomatıt kezinde naýqastar aýyz qýysy men tamaǵynda ysyǵan sezimdi sezinýi múmkin.
Ózine kútim jasaý boıynsha keńester
Atalmysh aýrý kezinde tamaq, suıyqtyq ishý qıynǵa soǵady, sondyqtan kandıdozdy stomatıtpen aýyratyn naýqastarda sýsyzdaný jaǵdaıy damıdy.
Sondyqtan jetkilikti tamaqtanyp, kóp mólsherde suıyqtyq ishý kerek.
Stomatıt kezinde emdelý úshin dáriger taǵaıyndaǵan dárilik preparattardy qabyldaý kerek.
Medıtsınalyq kómekke qashan júginý kerek
Kandıdozdy stomatıt kezinde dárigerge erte habarlasyp, dárilik preparattardy erte qoldaný mańyzdy bolyp tabylady. Immýn tapshylyǵy bar adamdardy emdeý barynsha agressıvti túrde ótý kerek. Der kezinde emdeý, aldaǵy ýaqytta qan aınalymyna jáne basqa da organdarǵa ashytqyly sańyraýqulaq ınfektsııasynyń enip ketýiniń aldyn alady. Eger kandıdoz kezindegi aq nemese sary qaqtyń paıda bolýy dene qyzýynyń kóterilýine, qaqsaýǵa, qusýǵa nemese jalpy jaǵdaıdyń nasharlaýyna áser etetin bolsa, shuǵyl túrde medıtsınalyq kómekke júginý qajet.