Úlken dárette qannyń bolýy nemese tik ishekten qan ketý túrli sebepterge baılanysty týyndaýy múmkin. Eger, dárethana qaǵazynyń ózinde azdaǵan qan jaǵylyp qalatyn bolsa nemese basqa da osyǵan uqsas jaǵdaılar oryn alsa, dárigerge bir kóringenińiz abzal.
Úlken dárette azdap qannyń aralasyp shyǵýy tik ishektiń titirkenýinen nemese gemorroıdyń saldarynan bolýy múmkin. Negizi qannyń azdap sozylyńqyrap shyǵýynan, asa qatty qorqyp ketýdiń qajeti joq, sebebi qan birneshe ret shyǵyp qaıta toqtap qalýy múmkin.
Úlken dárette ortasha nemese kóp mólsherde qan bolsa, ol asqortý joldarynda edáýir qan ketýlerdiń bolyp jatqandyǵynan da bolýy múmkin. Bul qan ketýlerdiń kóptegen sebepteri bolady, mysaly, olar: qabynýdan, asqynýdan, qaterli isikten jáne oıyq jaradan bolýy múmkin.
Nájiste qannyń bolýy ishektiń qozǵalysyna da baılanysty ol orta mólsherde nemese kóp mólsherde bolýy múmkin. Nájistegi qannyń túsi anyq qyzyl, qyzyl-qońyrlaý nemese qara-qyzyl bolady. Al osy qannyń túsi asqazan-ishek jolynyń qaı jeri zaqymdalǵanyna baılanys ózgerip otyrady.
Anorektaldyq qan ketýdiń qaı túri bolmasyn aýyr jaǵdaıǵa alyp kelýi múmkin. Sondyqtan ýaqytynda dárigerge qaralý kerek.