Mazmuny
Aldyn alý
Jalpy aqparat
Presbıopııa (egde jastaǵy adamdardaǵy alystan kórgishtik) – bul adam aǵzasyndaǵy jas ózgeristerine baılanysty kózdiń kórý qabiletiniń nasharlaýynyń tabıǵı protsesi.
Kózdiń qasań qabyǵy men kózburshaǵy kórý qabiletin aıqyndaý protsessine qatysady. Refraktsııa - kózdiń jaryqty syndyrý qabileti. Al anomaldi refraktsııa - kózdiń pishini ózgerip, sol jaǵdaıdyń saldarynan adam qaraǵan nysanasyn dál anyqtaı almaýynan týyndaıtyn másele. Refraktsııanyń sebebine kóz almasynyń pishini (uzyn nemese qysqa), qasań qabyqtyń pishininiń ózgerýi nemese jas ózgeristerine baılanysty kóz burshaǵynyń elastıkalyǵynyń ózgerýi jáne nazar aýdarýǵa jaýap beretin kirpikti bulshyqetterdiń álsireýi jatady.
Sebepteri
Aǵza qartaıǵan saıyn kózdiń janary ózgeristerge ushyraıdy: ol qalyńdanady jáne óziniń elastıkalyq qasıetin joǵaltady. Kózburshaqtyń elastıkalyq qabileti keskinge nazar aýdarýdy qamtamasyz etedi. Bul múmkindiktiń joǵalýynan kórý qabileti nasharlaıdy, nátıjesinde (qyraqtyq) – presbıopııa paıda bolady.
Ádette mundaı jaǵdaı 45 jastan keıin oryn alady.
Sımptomdary
• Jaqyn obektilerdi kórýde jáne usaq jazýlardy oqý kezinde kórý qabiletiniń tómendeýi bilinedi
• Álsiz jaryqtandyrý kezinde kórý qabiletiniń tómendeıdi
• Kózge artyq kúsh túsedi
• Bas aýyrady.
Dıagnostıkasy
Kóz dárigeri kórýdi jáne refraktsııany (kózdiń jaryqty syndyrý qabileti) tekserý kezinde presbıopııany anyqtaıdy.
Emdeý
Kózdiń kórý qabiletiniń buzylý dárejesine qaraı sizge kózildirik taǵý qajet bolýy múmkin. Qazirgi tańda kórýdi túzetý úshin birqatar hırýrgııalyq jáne lazerlik ádister jetildire tústi. Dáriger eger kórý qabiletińizdi túzetýge kómektesetin bolsa jáne asqynýǵa jol ashpasa operatsııa jasaýǵa keńes beredi.
Boljamy
Kórý qabiletin kózildirik nemese lınza kómegimen túzetýge bolady.
Múmkin bolatyn asqynýlar
Eger kórý qabileti túzetilmese, kórý qabiletiniń álsizdigi kúsheıip, kólik júrgizý, oqý, jumys jáne basqa da kúndelikti jaǵdaılar kezinde qıyndyqtar týyndaıdy.
Dárigerge qashan qaralý kerek
Kórý qabiletińizdiń nasharlaǵanyn sezingen sátte oftalmologqa (kóz dárigerine) tekserilińiz.
Aldyn alý
Presbıopııanyń aldyn alý sharalary bolmaıdy.
Tegter:
Kórý qabiletiniń buzylýy
Kózburshaq
Alystan kórgishtik, qyraqtyq
kózildirik
kórý fokýsi