Eger siz ózińizdiń deneńizge tatý nemese pırsıng salǵyńyz kelse, onda aldymen ózin jaqsy usynǵan stýdııalardyń birine baryńyz.
Sodan soń kelesilerge kóz jetkizińiz nemese surap alyńyz:
• Stýdııa taza ma? Barlyǵy tolyǵymen taza bolýy kerek (sonymen qatar jýynatyn bólmesi de).
• Stýdııa qandaı sterıldeý protsedýrasyn qoldanady? Atalmysh protsedýralar sıpattalǵan ba nemese nusqaýlyqtary bar ma? Surap alyńyz.
• Qaıta qoldanatyn quraldardy sterıldeýge arnalǵan avtoklav qoldanyla ma? Avtoklav – bul qyzdyrý arqyly sterıldeýge qoldanylatyn mashına. Qaıta qoldanylatyn quraldar mindetti túrde sterıldenip, sterıldik sıymdylyqtarda saqtalýy kerek
• Sterıldeýge bolmaıtyn quraldarmen qalaı jumys isteıdi? Avtoklav kómegimen sterıldeýge bolmaıtyn quraldar nemese aspaptardy ár paıdalanǵannan keıin dezınfektsııalaýshy nemese aǵartqysh eritindimen zararsyzdandyrý kerek.
• Pırsıngke qoldanylatyn ıneler sterıldengen be? Ineler sterıldi pakette saqtalýy kerek, bir ret qana paıdalanylyp qoldanylǵannan keıin qaýipsiz konteınerge tastalynýy kerek.
• Tatý nemese pırsıng jsaýshy adam qandaı daıyndyqtan ótedi?
• Tatý nemese pırsıng jasaýshy adam sterıldi qolqap kıe me? Árbir protsedýraǵa jańa sterıldi qolqap paıdalanýy qajet. Operatordyń qolqap kıer aldynda qolyn jýǵanyna kóz jetkizińiz. Protsedýra barysynda operator telefonmen sóılesse nemese basqa nárselermen aınalyssa qolǵabyn aýystyrýyn surańyz.
• Protsedýra barysynda pırsıngke arnalǵan pıstolet qoldanylady ma? EShQAShAN pıstolettiń kómegimen pırsıng jasatpańyz! Bul quraldar asqyný qaýpin týdyrady, óıtkeni ony protsedýra arasynda sterıldeýge bolmaıdy.
• Pırsıngke qandaı áshekeıler qoldanylady? Tek allergendi emes áshekeıler qoldanyńyz. Jańadan jasalǵan pırsıngke tek hırýrgııalyq, tot baspaıtyn bolat, altyn, kúmis, nıobıým,tıtannan jasalǵan áshekeıler paıdalanady.
• Nıkelden nemese jezben qaptalǵan áshekeıdi paıdalanbańyz.
• Qoldanylmaǵan jáne avtoklavta sterıldenbegen áshekeıdi tańdańyz.
Jalpy pırsıng ındýstrııasy qadaǵalanbasa da, densaýlyq saqtaýǵa qatysty bolǵasyn olar gıgıenalyq standartqa saı, tatý tájirbıesiniń qaýipsizdigine kepildik berýi kerek. Siz barǵaly otyrǵan nemese qyzmetin paıdalanyp júrgen stýdııaǵa shaǵymdardyń bar-joǵyn ózińizdiń qalalyq densaýlyq saqtaý departamentinen nemese sanıtarlyq-epıdemıologııalyq qyzmetten tekserińiz.
Tegter:
tatýırovka
pırsıng
tatý salýdaǵy qaýipsizdik sharalary
avtoklav
qoldanylǵan quraldardy sterıldeý
asqyný qaýpi