Shashyrańqy skleroz – bul ortalyq nerv júıesiniń sozylmaly nevrologııalyq aýrýy. Ol bas mıyna, julyndy jáne kórý nervterine erekshe áser etedi. Shashyrańqy skleroz bulshyqetterdiń qozǵalysy men kúshiniń, kórýdiń, tepe-teńdiktiń, sezimtaldyqtyń jáne aqyl-oıdyń qıynshylyqtaryn týdyrady.
Ortalyq nerv júıesiniń nerv talshyqtaryn qaptap, qorǵap turatyn zatty mıelın dep ataıdy. Mıelın, demıelınızatsııaǵa ushyrasa, ıaǵnı buzylyp nemese qabynsa, nerv ımpýlstarynyń ótýi buzylady. Nerv júıesiniń kez kelgen jeri qabynýǵa ushyraǵanda nemese demıelınızatsııa baıqalǵan jaǵdaılarda shashyrańqy skleroz anyqtalady.
Shashyrańqy sklerozdyń sebepteri áli anyqtalmady. Aýrý emge kónbeıdi, biraq dári-dármekter aýrý ustamalarynyń jıiligi men qıynshylyqtaryn basýǵa kómektesedi. Kóptegen adamdar osy aýrýmen birge birneshe jyldar boıy ómir súred, sondyqtan da olar aýrýdyń qıynshylyqtarymen tek qana sońǵy jyldarda ǵana zardap shegedi.