Revmatızm – dáneker tinniń streptokokktyq bakterııalarynyń A tobynyń belgili shtammdarymen júıeli zaqymdaný nátıjesinde bolatyn, streptokokktyq ınfektsııalar týdyratyn, kóbinese streptokokkpen shaqyrylǵan baspadan (angınadan) emdelmegennen paıda bolatyn ınfektsıondy-allergııalyq aýrý. Baspany durys emdeý revmatızmniń damýyna jol bermeıdi. Sondaı-aq, bul jerde tuqym qýalaý faktory da mańyzdy ról atqarady.
Ásirese júrek-qan tamyr júıesi – júrek zaqymdalady (júrektiń revmatıkalyq aqaýy). Revmatızm artrıttiń sımptomdaryn týdyryp, býyndarǵa áser etedi, sonymen qatar terilerge jáne basqa dene músheleri men tinderine de áser etýi múmkin. Revmatızmnen týyndaǵan zaqymdanýlardyń kópshiligi ýaqytsha bolyp tabylady. Biraq júrek zaqymdalsa, ol turaqty sıpatqa ıe bolyp qalady.