Tilme – irińdi streptokokk (Streptococcus pyogenes) nemese altyn stafılokokk (Staphylococcus aureus) shaqyratyn, terini jáne shyryshty qabyqtardyń oshaqtyq qabynýy. Tilme negizi teriniń zaqymdalýynan, atap aıtqanda syzat túsý, jaralaný, shaǵý, shanshý nemese bórtpe bolǵannan keıin paıda bolady.
Dáriger tilme sımptomdaryn muqııat qadaǵalaýy qajet, atap aıtqanda:
- Teriniń isinýi, qyzarýy, aýyrsynýy. Sondaı-aq teride jaryqtar paıda bolyp, suıyqtyqtar bólinýi múmkin.
- Qyzarǵan jerden bastap, deneniń ortasyna qaraı baǵyttalǵan qyzyl syzyqtardyń (lımfangınıt) bolýy.
- Qyzýdyń kóterilýi jáne qaltyraý.
- Irińniń bólinýi.
- Lımfa túıinderiniń ulǵaıýy.
- Jaısyzdyqty seziný (syrqattaný).
Eger balalarda tilme bette paıda bolsa, ınfektsııanyń kózge nemese bas mıyna ótip ketpeýi úshin dereý dárigerge qaralýy tıis. Negizi tilmeni antıbıotıktermen emdeıdi jáne naýqasty tynyshtyq jaǵdaıda qaldyryp, jylýlyq kompressorlaryn qoıady. Qan aǵýynyń baıaýlaýy (venozdyq toqyraý), uzaq ýaqyt ketpeıtin isinýleri, dıabeti nemese ımmýndyq júıesiniń buzylýy bar naýqastarda tilme paıda bolsa, olardy dereý aýrýhanaǵa jatqyzý kerek.