Mazmuny
Qandaı da bir emdik shara áser ete me?
Tekserý qalaı júrgiziledi?
Jalpy aqparat
Gıppel-Lındaý aýrýy sırek kezdesedi. Bul aýrý – genetıkalyq aýrý, aǵzada isik jáne jylaýyqtyń ósýimen sıpattalady. Isigi – qaýipti jáne qaýipsiz bolyp ekige bólinedi. Olar omyrtqa jáne bas mıdy, búırekti, uıqy bezin, sondaı-aq erlerdiń jynystyq múshesin zaqymdaıdy. Aýrýdyń sımptomary olardyń ornalasý ereksheligi men kólemine baılanysty bolady. Sımptomdary – bas aýrýymen, júristen jańylý problemalarymen, bas aınalýmen, aıaq-qoldyń álsireýimen, kórýdiń nasharlaýymen jáne joǵary arterııalyq qysymmen sıpattalady.
Gıppel-Lındaý aýrýyn barynsha erte anyqtap, emin qolǵa alý kerek. Ádette bul aýrýdy hırýrgııalyq jolmen, keıde sáýle terapııasymen emdeıdi. Eń basty emdeý sharasy isikti erte bastan qaıtarýǵa baǵyttalady. Eger isik úlkeımeı turyp, densaýlyqqa zalalyn tıgizbeı turyp emdesse aýrý adam ómirine qaýip tóndire qoımaıdy.
Buǵan qandaı da bir emdik shara áser ete me?
Gıppel-Lındaý aýrýynyń emdelýi onyń ornalasýyna jáne isik pen qylaýyshtyń kólemine baılanysty júrgiziledi. Emdik sharanyń basty maqsaty: aldymen isik ósip, sımptomdary paıda bolmas buryn, olardyń kólemi úlkeıip júıke júıelerine baılanysty máselelerdi týyndatpas buryn, sondaı-aq, julyn suıyqtyǵyn toqtatpas buryn jáne kózdiń kórýin nasharlatpas buryn qolǵa alýdy talap etedi. Keıde isikti joǵary mólsherdegi sáýlelendirýmen emdeýge bolady. Bul aýrýǵa shaldyqqan naýqastar, osy aýrýdy jaqsy biletin dárigerdiń qatań qadaǵalanýynda bolǵany abzal.
Boljamy qandaı bul aýrýdyń?
Aýrýdyń boljamy – onyń ornalasý mekeni men asqyný dárejesine baılanysty. Durys emdelmese, bul aýrý adamdy soqyr qylady, ne bolmasa, mıyn zaqymdaıdy.
Eger mıda nemese búırekte isik asqynyp ketse arty qaıǵyly jaǵdaıǵa aparýy yqtımal.
Qandaı tekserýler júrgiziledi?
Qazirgi ýaqytta ǵalymdar halyq arasynda mıdaǵy jáne julyndaǵy isikti týyndatatyn, mysaly, Gıppel-Lındaý sekildi, aýrýlardy toqtatý úshin arnaıy baǵdarlamalardy ázirleýde.
Derekkóz: AQSh-tyń Ulttyq densaýlyq saqtaý ınstıtýttarynyń derekqorynan alyndy: http://www.nlm.nih.gov/medlineplus/vonhippellindaudisease.html
Tegter:
bulshyq et álsizdigi
tepe-teńdiktiń joǵalýy
bas aýrýy