Kvınke isinýi nemese angıonevrotıkalyq isiný esekjemge uqsas bolyp keledi, biraq Kvınke isigi zaqymdalý tereńdigine baılanysty ajyratylady. Angıonevrotıkalyq isigi keıbir kezde bórtpelersiz de paıda bolýy múmkin.
Paıda bolý sebepteri:
Kvınke isigi – allergııalyq reaktsııanyń esebinen paıda bolady. Allergııalyq reaktsııa kezinde gıstamın jáne taǵy sol sııaqty hımııalyq zattar qanaǵymǵa bosap shyǵady. Immýndy júıe aǵzadaǵy allergen sııaqty jat zatty anyqtaǵanda, organızm gıstamındi bóledi.
Kóbinese angıonevrotıkalyq eseńgireýdiń paıda bolý sebebi anyqtalmaıdy.
Kelesi sebepter angıonevrotıkalyq isiktiń paıda bolýyna ákelýi múmkin:
• Janýar túkterindegi qaıyzǵaqtar;
• Sýdyń, kún sáýlesiniń, sýyqtyń, ystyqtyń áseri;
• Azyq-túlikter (jemis-jıdekter, balyq, jańǵaqtar, jumyrtqa, sút)
• Qurt-qumyrsqanyń, shybyn-shirkeılerdiń shaǵýynan;
• Medıtsınalyq preparattar; antıbıotıkter, steroıdty emes qabynýǵa qarsy preparattar, qan qysymyn turaqtandyrýshy dáriler;
• Shań-tozańdar.
Esekjem men Kvınke isigi júıeli qyzyl jegi, leıkemııa, lımfoma sııaqty aýtoımmýndy aýrýlardan keıin nemese solarmen qatar paıda bolýy da múmkin.
Angıonevrotıkalyq isiktiń keıbir túrleri tuqym qýalaýshylyq jolmen beriledi, sonymen qatar sebepterine, asqynýlaryna, emine baılanysty aıyrmashylyqtary bolady.
Sımptomdary
Aýrýdyń negizgi sımptomy – kenetten paıda bolatyn teriniń betkeı qabatynyń isinýi. Sonymen qatar teriniń betki qabatynda isikter men tyrtyqtar paıda bolýy da múmkin.
Birinshi kezekte kóz aınalasy jáne erin isinedi. Sonymen qatar qol, aıaq, tamaq jaqtarda paıda bolýy múmkin.
Teri betindegi tyrtyqtardan bórtpeler shyǵyp, sál aýyrsyný nemese qyshyný sezimderi paıda bolýy múmkin. Bul sımptomdar esekjemge tán. Bórtpeler titirkengende aq túske enedi. Aýyrsyný angıonevrotıkalyq isiktiń terini zaqymdaǵan tereńdigine baılanysty bolady.
Basqa da sımptomdar:
• Ishtegi spazm – qurysý, tyrysý.
• Tynys alýdyń qıyndaýy.
• Aýyz ben kózdiń isinýi.
• Kózdiń kilegeı qabatynyń isinýi.
Dıagnostıkasy
Dáriger naýqasty qarap tekserý kezinde teride paıda bolǵan ózgeristerge baılanysty, titirkendirgish nemese hımııalyq zattardyń áserinen bolǵanyn nemese bolmaǵanyn suraýy kerek. Eger naýqastyń tamaǵy isip ketse, medıtsınalyq tekserý kezinde naýqastyń tynys alýy qıyndap, qalyptydan tys dybystar shyǵýy múmkin.
Dáriger sonymen qatar allergııalyq rekatsııany baıqaý úshin qan taldamasyn alýy múmkin.
Emdelýi
Jeńil sımptomdary kezinde aýrýdy emdeý qajet etpeıdi. Aýyr jáne ortasha sımptomdary kezinde aýrýdy emdeý kerek.
Kvınke isigimen aýyratyn naýqastar kelesi erejelerdi saqtaý kerek:
• Aýrýdy shaqyratyn kez-kelgen faktorlardan nemese allergenderden alshaq bolǵany jón.
• Dárigerińiz taǵaıyndamaǵan dárilerden, qabyldaýǵa bolmaıtyn azyq-túlikterden shektelý kerek.
• Aýyrsynýdy tómendetý maqsatynda isik paıda bolǵan jerge sýyq dáke oramalyn basý kerek.
Angıonevrotıkalyq isikte qoldanylatyn dáriler:
• Antıgıstamındik preparattar.
• Qabynýǵa qarsy dáriler
• Epınefrındi egý
• Tynys alý joldaryn ashatyn ıngalıatsııalyq dáriler.
• Ranıtıdın.
• Eger de Kvınke isigi bar naýqastyń tynys alýy qıyndasa, tez arada jedel járdem shaqyrý kerek, sebebi anıgınevrotıkalyq isik tynys alý joldaryn tolyq bitep ómirge qaýip tóndirýi múmkin.
Ádette tynys alý joldarynyń bitemeıtin jáne sımptomdary jeńil ótetin angıonevrotkalyq isiný biirneshe kún ishinde qaıtady.
Tegter:
Kvınke isigi
Angıonevrotıkalyq isik
Esekjem
allergııa
Allergııalyq reaktsııa