Batten aýrýy – sırek kezdesetin tuqym qualaıtyn aýrý. Ol erte jasta, bala kezde bastaý alady, júıke júıesindegi jasýshalardy zaqymdaıdy, arty ólimge aparady.
Keı jaǵdaılarda balanyń boıynda erte kezde paıda bolǵan aýrý belgilerin baıqaı bermeımiz, baıqasaqta «balanyń jeke qasıetteri shyǵar» dep, oǵan mán bermeımiz. Mysaly mynadaı erekshelikter bolady: bala óte baıaý oqıdy, sharýaǵa ıkemsiz, ebedeısiz bolyp keledi, júrgen kezde súrinshekteı beredi.
Batten aýrýynyń belgisi aǵzadaǵy júıke júıesiniń jasýshalarynda, lıpopıgment dep atalatyn, maıly zattardyń jınalýynan týyndaıdy. Aýrýdyń alǵashqy belgileriniń biri kózdiń kórýi nasharlaıdy, kóz janaryn tekserý barysynda jıi aýyrady. Ádette, okýlıst nemese basqa dáriger bundaı naýqasty nevropatologqa jiberedi.
Aýrýdyń dıagnostıkasy qan jáne zár taldaýy, tindik úlgini taldaý, elektroentsefalogramma, kózdiń elektrondy taldaýy, mıdy skanerleý.
Emdelý úshin
Qazirgi ýaqytta aýrýdyń emdeý ádisi joq. Degenmen, keıde talýǵa qarsy preparattar aýrý kezinde paıda bolatyn ustamany jeńildetýge kómektesedi. Fızıoterapııa jáne eńbek terapııasy naýqastardyń aǵzasynyń qalypty fýnktsııasyn uzaq ýaqyt boıy saqtaýǵa kómektesedi.
Aýrýdyń aǵymy
Ýaqyt óte kele Batten aýrýyna shaldyqqan balalar, psıhıkalyq buzylystan, ustamadan, kórý qabiletiniń jáne motorıkalyq daǵdylardyń joǵalýynan zardap shegedi. Ýaqyt óte kele bul aýrýdan zardap shegetin balalar kórý qabiletin tolyq joǵaltady, tósek tartyp jatady. Kóbinese bul aýrý jasóspirim kezeńindegi nemese erte jastaǵy balalardyń ólimine sebepshi bolady.
Tegter:
Batten aýrýy
Genetıkalyq aýrýlar