Mazmuny
Jynystyq jolmen beriletin ınfektsııalar (JJBI) – juqpalanǵan adammen jynystyq qatynasta juǵatyn aýrýlar.
JJBI qozdyrǵyshtary bakterııalar, parazıtter jáne vırýstar. JJBI 20 asatyn túri bar. Olardyń keıbirin atasaq:
- Hlamıdıoz
- Gonoreıa
- Jynystyq (genıtaldyq) gerpes
- AITV/JITS (VICh/SPID)
- APV (adamnyń pappıloma vırýsy)
- Sıfılıs (merez)
- Trıhomonıaz
Kóptegen JJBI erlerde de, áıelderde de bolady. Biraq, densaýlyqqa qatysty kúrdeli máseleler kóbinese, áıelderde oryn alady. Eger júkti áıelde JJBI bolsa, bul sábıdiń densaýlyǵynda máseleler ákelýi múmkin.
Emdeý
Eger JJBI qozdyrǵyshy bakterııa nemese parazıt bolsa, dáriger antıbıotık nemese basqa dárilik preparattardy taǵaıyndaıdy. Eger ınfektsııa vırýstan bolsa, ol emdep, jazýǵa kelmeıdi. Keıde dárilik preparattar aýrýdyń barysyn baqylaýǵa múmkindik beredi. Lateksti prezervatıvterdi durys qoldaný JJBI juqtyrý nemese taralý qaýpin edáýir azaıtady, biraq, tolyǵymen joımaıdy.