Mazmuny
Teriniń qurǵaqtyǵy teridegi sýdyń jáne maıdyń mol mólsheri joǵalǵanda paıda bolady. Teriniń qurǵaqtyǵy ár jastaǵy adamdarda kezdesedi.
Sımptomdary:
- Teriniń qabyrshaqtanýy
- Teri qataıyp, kedir-budyrlanýy
- Teriniń tartylýy, ásirese, shomylǵannan keıin
- Qyshý
- Qantalaǵan syzattardyń paıda bolýy.
Teriniń qurǵaqtyǵy deneniń kez kelgen bóliginde paıda bolýy múmkin. Biraq, kóbinese, alaqanda, tabanda, qolda jáne sıraqta kezdesedi.
Qurǵaq teri; teriniń qysqy qyshýy; Kseroz
Teriniń qurǵaqtyǵynyń paıda bolý sebepteri:
- Salqyn, qurǵaq qysqy aýa
- Aýany qyzdyrý jáne qurǵatý peshteri
- Shóleıt jerlerdegi ystyq, qurǵaq aýa
- Aýany salqyndatatyn jáne ylǵaldyqty azaıtatyn kondıtsıonerler
- Ystyq vanna men dýshty uzaq, jıi qabyldaý
- Qoldy jıi jýý
- Sabyn men jýý quraldarynyń keıbir túrleri
- ekzema jáne psorıaz sekildi aýrýlar
- keıbir dárilik preparattar (jergilikti qoldanatyn nemese ishetin túrleri)
- qartaıý, bul kezde teri juqarady.
Teriniń qurǵaqtyǵynyń sımptomdaryn teriniń ylǵaldylyǵyn qalpyna keltirý arqyly jeńildete alasyz.
- Terini kremmen nemese losonmen kúnine 2-3 ret nemese qajettiligine qaraı ylǵaldandyrý qajet.
- Ylǵaldandyratyn quraldar ylǵaldy saqtaýǵa kómektesedi, sondyqtan, olardy ylǵal terige jaǵý qajet. Shomylǵannan keıin terini qurǵatyp súrtip, sodan keıin ylǵaldandyratyn kremdi jaǵý qajet.
- Quramynda spırt, hosh ıistendirgishter, boıaǵyshtar nemese basqa hımııalyq zattekter bar sabyndardy, terige kútim jasaıtyn quraldardy qoldanýdan alshaq bolý qajet.
- vanna nemese dýshty ystyq emes, jyly sýmen qabyldańyz, 5-10 mınýt boıy.
- Kúnine bir ret qana shomylyńyz.
- Qarapaıym sabynnyń ornyna názik tazartatyn quraldardy nemese ylǵaldandyratyn bólikteri bar sabyndy qoldanyp kórińiz.
- Sabyndy tek betti, qoltyq astyn, jynystyq múshelerdi, qol-aıaqty tazartý úshin ǵana qoldanyńyz.
- Skrabty qoldanbańyz.
- Shomylǵannan keıin ǵana qyryný qajet, túkter jumsaq bolǵan kezde.
- Jumsaq, yńǵaıly kıim kıińiz. Jún matadan kıim kımeýge tyrysyńyz.
- Kıimdi jýýǵa arnalǵan boıaǵyshtary nemese hosh ıistendirgishteri joq quraldarmen jýyńyz.
- Sýdy kóp ishińiz.
- Qyshýdy azaıtý úshin titirkengen tustarǵa sýyq kompress basyńyz.
- Teriniń qabynýynda quramynda kortızon bar kremdi nemese losondy qoldanyńyz.
- Quramynda keramıdter bar ylǵaldandyratyn kremderdi qoldanýǵa tyrysyńyz.
Kelesi jaǵdaılarda dárigerge kóriný qajet:
- Udaıy qyshýdy seziný, bóritkender kórinbegenimen
- Teriniń qurǵaqtyǵy uıqyny buzady
- Qyshýdan ashyq jaralar nemese oıyq jaralar paıda bolǵan
- Ózdigińizshe teriniń qurǵaqtyǵyn jáne qyshýyn basa almaǵanda.