Seboreıalyq dermatıt – teriniń jıi kezdesetin, qabyný aýrýy. Bul kezde shashtyń túbindegi, bet pen qulaqtyń maı bezi jaqsy damyǵan bólikterinde aq-sary tustary bolady. olar ózgermegen nemese qyzarmaǵan tusta paıda bolýy múmkin.
«Besik telpegi» - sábılerde seboreıalyq dermatıt kezindegi bastyń terisiniń zaqymdanýyn sıpattaıtyn termın.
Seboreıalyq dermatıttiń naqty sebebi belgisiz. Dárigerlerdiń oıynsha, ol birneshe sebeptiń birigýinen bolýy múmkin, gormonaldyq úılesimniń buzylýyn, ımmýndyq júıeniń álsireýin, qorektik zattekterdiń jetkiliksizdigin, nemese júıke júıesiniń aýrýlaryn qosa.
Malassezia zeńderinen paıda bolatyn titirkenis te osy jaǵdaıǵa ákelýi múmkin. Seboreıalyq dermatıt tuqym qýalaýy múmkin.
Teriniń qabattary
Qaýip faktorlary:
Kúızelis nemese sharshaý
Ekstremaldyq aýa raıy
Maıly teri nemese teridegi bezeýler
Keıbir sýsabyndar nemese terige kútim jasaý quraly
Spırt quramdas losondar qoldaný
Semizdik
Nevrologııalyq aýrýlar, onyń ishinde, bassúıek-mı jaraqaty, Parkınson aýrýy nemese ınsýlt
Adamnyń ımmýnıtet tapshylyǵy vırýsy (VICh)
Seboreıalyq dermatıt deneniń ár bóliginde paıda bolýy múmkin. Ádette, ol teriniń maı bezi jaqsy damyǵan tustarynda paıda bolady. Kóbinese, bul bastyń, qabaqtyń terisi, muryn-erin qyrtysy, qulaq artyndaǵy, syrtqy qulaqtaǵy tustar, sondaı-aq, keýde qýysy.
Seboreıalyq dermatıttiń sımptomdary:
• Teriniń zaqymdanýy
• Teriniń úlken aýmaǵyndaǵy túıindaqtar
• Teriniń maıly bólikteri
• Teride aq, qabyrshaqtanǵan, sary, maıly bólikterdiń paıda bolýy
• Juqpalanǵan kezde nasharlaýy múmkin qyshý
• Teriniń azdaǵan qyzarýy
• Shashtyń túsýi
Dıagnoz teri zaqymdanýynyń ózine tán syrtqy túrine jáne ornalasýyna saı qoıylady. Ári qaraı, teri bıopsııasy sekildi tekserýler sırek qajet bolady.
Qabyrshaqtaný men qurǵaqtyqty qaıyzǵaqqa arnalǵan arnaıy sýsabynnyń kómegimen emdeýge bolady. olardy dárihanada dárigerdiń retseptinisiz satyp alýǵa bolady. japsyrmasynda seboreıalyq dermatıtti emdeıdi dep jazylǵan sýsabyndy izdeńiz. Olardyń quramynda salıtsıl qyshqyly, taskómir shaıyry, myrysh, rezortsın, ketokonazol nemese selen sýlfıdi sekildi qurambólikter bolady. sýsabyndardy nusqaýlyǵynda kórsetilýine sáıkes qoldanyńyz.
Aýrýdyń aýyr ótýinde dáriger selen sýlfıdiniń, ketokonazol nemese kortıkosteroıdtardyń mólsheri joǵary sýsabyndy nemese losondy qoldanýdy taǵaıyndaýy múmkin. Sondaı-aq, quramynda ımmýnıtetti yntalandyrǵysh bolatyn krem usynylýy múmkin. Bul dári ımmýndyq júıeniń jumysyn basýǵa qabiletti, osylaısha, qabynýdy azaıtady.
Kún sáýlesiniń áser etýinde seboreıalyq dermatıttiń barysy jaqsarady dep sanalady. Keıbir adamdar jazda jaǵdaı jaqsaratyndyǵyn aıtady, ásirese, belsendi demalystan keıin.
Seboreıalyq dermatıt – sozylmaly aýrý (ómir boıǵy), asqyný men basylý kzeńderi almasady, biraq, onyń sımptomdaryn sáıkes emdeýmen baqylaýǵa bolady.
Seboreıalyq dermatıttegi jaǵdaıdyń aýyrlyǵy qaýip faktorlarynyń áserin joıýda jáne terige kútim jasaý qaǵıdalaryn ustanýda jeńildeıdi.
· Psıhologııalyq kúızelis, ózin ózi baǵalaýdyń tómendeýi, uıalyp-qysylý
· Ekinshi bakterıaldyq nemese zeńdik ınfektsııanyń qosylýy.
Dárigerden keńes alyńyz, eger seboreıalyq dermatıttiń sımptomdary úı jaǵdaıynda emdeýge jáne dárigerdiń retseptinsiz bosatylatyn dári preparattaryn qabyldaýǵa serpin bermese.
Sondaı-aq, dárigerge kórinińiz, eger zaqymdaný bólikteriniń betinde suıyqtyq, iriń nemese qabyq paıda bolsa, nemese bul tustar qyzaryp, aýyrsynatyn bolsa.
Seboreıalyq dermatıt kezindegi jaǵdaıdyń aýyrlyǵy qaýip faktorlarynyń áserin joıýda jáne terige kútim jasaý qaǵıdalaryn ustanýda jeńildeıdi.
Qaıyzǵaq; Seboreıalyq ekzema; «Besik telpegi».
Aqparat kózi: AQSh Ulttyq densaýlyq ınstıtýttarynyń málimetter qory:http://www.nlm.nih.gov/medlineplus/ency/article/000963.htm
Aýdarǵan:AselStambekova, HealthSity jobasynyń derbes úılestirýshisi
Redaktsııalyq alqa:
Almaz Sharman, medıtsına professory