Mazmuny
Plevranyń empıemasy - ókpe men keýde qabyrǵasynyń ishki beti arasynda ornalasqan plevra qýysynda irińniń jınalýy.
Ókpe konýs tárizdi keýekti qos aǵza, keýde qýysynyń oń jáne sol bóliginde ornalasqan. Ókpe – tynys júıesiniń bóligi. Oń ókpe úsh bólikten turady. Sol ókpe eki bólikten turady, ólshemi úlkenirek.
Empıema – tabıǵı anatomııalyq qýystardaǵy irińniń jınalýy, ekssýdatıvti plevrıttiń bir túri, plevranyń ishki jáne shetki japyraqtarynyń arasynda iriń suıyqtyǵynyń jınaqtalýymen ótedi.
Empıema ádette ókpeden taralatyn ınfektsııadan týyndaıdy. Bul plevra qýysynda irińniń jınalýyna aparady.
Ekssýdat (juqpalanǵan suıyqtyq) bir lıtrden artyq jınalyp, ókpege qysym túsiredi.
Qaýip faktorlary:
• Bakterıaldyq pnevmonııa
• keýde qýysyndaǵy operatsııalar
• ókpeniń abstsesi
• keýdeni jaraqaty nemese zaqymdanýy
Sırek jaǵdaılarda empıema dıagnostıka jáne emdeýde (torakotsentez) plevra qýysynan suıyqtyqty soryp alý úshin keýdeni ınemen teskende paıda bolýy múmkin.
• keýdedegi aýyrsyný, tereń tynys alǵanda nasharlaıdy (plevrıt)
• qurǵaq jótel
• tersheńdik, ásirese, túnde
• qyzba, qaltyraý
• jalpy jaısyzdyq jáne álsizdik
• entigý
• degne salmaǵynyń azaıýy
Keýdeni stetoskoppen tyńdaǵanda dáriger tynys alýdyń sıreýin nemese erekshe shýyldy (úıkelis shýyly) baıqaýy múmkin.
Dıagnostıkaǵa kiredi
• keýdeniń rentgeni
• keýdeniń kompıýterlik tomografııasy
• plevra suıyqtyǵyn taldaý
• Torakotsentez
Emdeýdiń maqsaty – ınfektsııalyq úrdisti joıý. Emdeý plevra qýysynda jınalǵan irińdi joıýǵa baǵyttalady. Infektsııany basý úshin antıbakterıaldyq preparattar taǵaıyndalady.
Irińdi tolyǵymen alý úshin dáriger keýde qýysyna tútik ornatady. Ókpe jaıylyp, jazylmasa, hırýrg ókpeniń syrtqy qabyǵyn bólý úshin dekortıkatsııa atalatyn operatsııa jasaıdy.
Ókpeni zaqymdaý jáne ólim-jitim qaýpi artady, eger plevranyń empıemasy ókpe pnevmonııasynyń asqynýy bolsa. Naýqastarǵa antıbakterıaldyq preparattar men drenaj qoldanýmen uzaq emdelý qajet bolady. Kóptegen adamdar plevra empıemasynan tolyqtaı jazylady.
• plevranyń qalyńdaýy
• ókpe qyzmetiniń tómendeýi
Empıemanyń belgileri bolsa, dárigerge kóriný qajet.
Ókpeniń ınfektsııalaryn emdeýde tez jáne tıimdi járdem kórsetý empıemanyń keıbir jaǵdaılarynyń aldyn alady.
Empıemalar; Pıotoraks; Plevrıt – irińdi.