Mazmuny
Mastoıdıt – bassúıektiń qulaqtyń artynda ornalasqan emizik tárizdi ósindisi - aýaǵa toltyrylǵan súıek qýystarynyń ınfektsııalyq zaqymdanýy.
Mastoıdıt ádette, balalarda damıdy. Antıbıotıkterdi qoldanǵanǵa deıin mastoıdıt bala ólim-jitiminiń basty sebepteriniń biri boldy. Búginde bul aýrý – salystyrmaly túrde sırek jáne asa qaýipti emes aýrý, sebebi, qulaq ınfektsııalaryn emdeý úshin antıbıotıkter qoldanyla bastady.
Sýrette qulaǵynan bólindi jáne qulaǵynyń artynda ornalasqan emizik tárizdi ósindiniń qyzarýy (erıtema) baıqalatyn bala keltirilgen.
Kóbinese, mastoıdıt ortańǵy qulaqtyń qabynýynyń emdelmeýinen bolatyn asqyný (jiti ortańǵy otıttiń). Infektsııa ortańǵy qulaqtan samaı súıeginiń emizik tárizdi ósindisine taralýy múmkin. Samaı súıeginiń emizik tárizdi ósindisiniń uıashyqtary ınfektsııaǵa tolyp, onyń buzylysyna aparady.
• qulaqtan bólindiler (syrtqy estý tútiginen)
• qulaqtaǵy aýyrsyný nemese jaısyzdyq (jaǵymsyz seziný)
• qyzbaly jaǵdaı, temperatýra joǵary bolýy nemese kúrt artýy múmkin
• bas aýyrýy
• estýdi joǵaltý
• qulaq aýmaǵyndaǵy nemese artyndaǵy qyzarý
• qulaq qalqanynyń isinýden qalqaıyp turýy.
Basty qaraǵanda mastoıdıttiń belgilerin kórýge bolady. Kelesi tekserýler samaı súıeginiń emshek tárizdi ósindisiniń buzylystaryn anyqtaýy múmkin:
Qulaqtyń kompıýterlik tomografııasy (KT)
Bastyń jalpy kompıýterlik tomografııasy
Qulaqtyń bólindisinen bakterıologııalyq sebý alý – bakterııany anyqtaý úshin.
Mastoıdıtti emdeý dárilik preparattardyń emizik tárizdi ósindige tereń ene almaýynan qıyndaýy múmkin. Sondyqtan uzaq, nemese qaıta emdeý qajet bolady. Antıbıotıkterdi qabyldaý aldymen ınektsııa, odan keıin tabletka túrinde taǵaıyndalady.
Eger antıbıotıkpen emdeý tıimdi bolmasa, hırýrgııalyq aralasý qajet bolady, emizik tárizdi ósindiniń zaqymdanǵan tustaryn ishinara alyp tastaý úshin (mastoıdektomııa).
Ortańǵy qulaqtyń qabynýynda hırýrgııalyq aralasý dybysjarǵaq arqyly jasalady (mırıngektomııa).
Mastoıdıt durys emdelgende jazylady. Biraq, aýrý qaıtalanýy jáne emdeýde keıbir qıyndyqtar bolýy múmkin.
• Samaı súıeginiń emizik tárizdi ósindisiniń buzylysy
• bas aınalýy
• Epıdýraldyq abstsess (mı qabyǵy aýmaǵyndaǵy irińdi qabyný)
• bet nervisiniń paralıchi (saldanýy)
• Menıngıt (mıdyń qabyǵynyń jáne julynnyń qabynýy)
• estýdi ishinara nemese tolyq joǵaltý
• ınfektsııanyń mıǵa nemese búkil organızmge taralýy
Qashan dárigerge kóriný qajet
Mastoıdıt bolýynda dárigerge kórinińiz.
Dárigermen emdelý josparyn talqylańyz, eger:
• emdelmeıtin nemese jańa sımptomdarmen qosarlanatyn qulaq ınfektsııasy bolýynda
• sımptomdar emdelmeıtin bolsa.
Qulaq ınfektsııasyn ýaqytyly jáne tolyqqandy emdeý mastoıdıttiń paıda bolý qaýpin azaıta alady.