Mazmuny
Sút beziniń ınfektsııasy – sút bezi tinderiniń juqpalanýy.
‘’Sýrette saý sút beziniń anatomııalyq qurylysy kórsetilgen.
Emizetin áıelderde kóptegen ınfektsııalar bakterııalardyń emshek ushy arqyly enýinde paıda bolady. Aýyr ınfektsııalarda abstsester (irińdi qabyný) paıda bolady. Emdeý úshin antıbakterıaldyq preparattar qoldanylady. ‘’
Sút beziniń qabyný aýrýlaryn saý adamnyń terisinde bolatyn altyn tústi stafılokokk sekildi keń taralǵan bakterııalar týyndatady. Bakterııalardyń enetin tusy – emshek ushyndaǵy jarylý nemese syzattar.
Infektsııa sút beziniń teriastylyq-maılyq jasýshasynda shoǵyrlanady, bul onyń qabynýyna aparady. Qabyný úrdisi sút beziniń tútikteri boıynsha taralady. Nátıjesinde isiný jáne aýyrsyný paıda bolady.
Ádette, bul aýrý emizetin áıelderde paıda bolady. Bala emizýge baılanysty emes emshek ınfektsııalary sút beziniń qaterli isiginiń sırek túri bolýy múmkin.
• Bir emshek beziniń ǵana ulǵaıýy
• Emshektegi qataıýlar
• Emshektegi aýyrsyný
• Qyzba nemese tumaýdyń sımptomdary, júrek aınýy jáne qusý
• qyshý
• emshek ushynan bólinis (irińdi bolýy múmkin)
• emshek ushtarynyń sezimtaldyǵynyń ózgeristeri
• sút bezderiniń tinderiniń isinýi, aýyrsynýy, qyzarýy jáne temperatýrasynyń artýy
• zaqymdaný jaǵyndaǵy lımfa túıinderiniń aýyrsynýy nemese ulǵaıýy
Emizetin áıelder ádette, tekserilmeıdi. Alaıda, jıi tekserý aýrýdy anyqtaýǵa kómektesedi jáne abstsess (irińdi qabyný) sekildi asqynýlarynyń aldyn alady.
Uzaq ýaqyt boıy ótetin ınfektsııalyq úrdiste emshek sútin bakterıologııalyq sebý arqyly tekseris ótkiziledi. Emizbeıtin áıelderde sút beziniń bıopsııasy nemese mammografııa ótkizilýi múmkin.
Úıde jasalatyn kútim: sút beziniń zaqymdanǵan aýmaǵyna spırtti ylǵaldy kompress qoldaný, kúnine tórt ret, 15-20 mınýtten.
Bul aýrýdy emdeýde antıbıotıkpen emdeý paıdaly. Emdeý ýaqytyna emshek emizýde zaqymdanǵan jaqta mindetti túrde sút saýǵysh qoldaný usynylady.
Bakterııaǵa qarsy preparattardy ýaqytyly qoldanýda aýrý tez ótedi.
Aýrý aýyr ótkende abstsess (irińdi qabyný) damýy múmkin. Abstsess hırýrgııalyq jolmen bosatylýy tıis. Abstseske shaldyqqan áıelder ýaqytsha emizýdi toqtatýy tıis.
Dárigerge kórinińiz, eger:
• sút beziniń bir tusynda qyzarý, aýyrsyný, isiný nemese jergilikti temperatýrasynyń artýy paıda bolsa
• emizgende dene temperatýrasynyń artýy baıqalady
• qoltyq asty lımfa túıinderi aýyrsynyp, ulǵaıǵan.
Kelesi usynystar sút beziniń juqpasynyń qaýpin azaıtýǵa kómektesedi:
• qabyný jáne syzattardyń aldyn alý úshin emshek ushyna qamqorlyq jasaý qajet
• sút beziniń qataıýynyń aldyn alý úshin jıi emizý jáne saýyp otyrý
• emizgende balaǵa emshekti durys berý
• emshek emizýdi kúrt úzbeý, sábıdi emshekten birtindep aıyrý
Sút bezi tininiń ınfektsııasy; emshek abstsesi.