Follıkýlıt – bul teri astynda ornalasqan shaǵyn qaltashalar - follıkýldardyń ınfektsııasy nemese qabynýy, folıkýldarda shash túzilip, ósedi. Follıkýlıt deneniń kez kelgen bóliginde paıda bolýy múmkin, biraq, ol shash túbinde, kıimniń denege úıkeletin tustarynda – mysaly, qolda, bóksede jıi bolady.
Follıkýlıttiń jıi sebebi – bakterıaldyq ınfektsııa, biraq, zeńdik ınfektsııadan da týyndaýy múmkin.
Follıkýlıt shashtyń bir nemese birneshe shýmaǵynyń mańynda nemese túbinde qyzarǵan, aýyrsynatyn aýmaq túrinde bastalady. Odan keıin bul bólik teridegi irińdi tómpeshikke (pýstýla) aınalady, ol keıde qyshyp, kúıdiretin sezim beredi. Pýstýlany ashqanda iriń jáne/nemese qan shyǵýy múmkin.
Infektsııalyq follıkýlıttiń teriniń betine jaqyn ornalasatyn jeńil jaǵdaılar ádette, ózdiginshe, shamamen 2 aptadan keıin jazylady. Tereń jáne kúrdeli ınfektsııalyq follıkýlıtte ádette, ishetin antıbıotıkter men zeńge qarsy preparattar jaqsy kómektesedi.