Mazmuny
Ishtiń ótýi men qusý qaýipti bolýy múmkin be?
Qusý men ishtiń ótýiniń paıda bolý sebepteri qandaı?
Qalaı organızmniń sýsyzdanýynyń aldyn alýǵa bolady?
Qusý men ishtiń ótýin toqtatý úshin dárilik preparattardy qabyldaý qajet pe?
Balańyzda nemese jaqyn adamyńyzda sýsyzdaný damyǵandyǵyn qalaı bilýge bolady?
Ishtiń ótýi men qusý qaýipti bolýy múmkin be?
Ishtiń ótýi men qusý qaýipti bolýy múmkin, sebebi, organızmniń sýsyzdanýyna aparady. Organızm suıyqtyqtyń úlken mólsherin joǵaltqanda sýsyzdaný damıdy. Egde jastaǵy adamdarda sýsyzdaný tez damıdy, biraq, sýsyzdaný kez kelgen jasta paıda bolýy múmkin.
Qusý men ishtiń ótýiniń paıda bolý sebepteri qandaı?
Ishtiń ótýi men qusý vırýstyq, bakterıaldyq, parazıtarlyq aýrýlardyń sımptomy, keıbir aýrýlar men dárilik preparattardy qabyldaýdyń saldary bolýy múmkin. Keıbir ónimderdi, shala pisken etti nemese balyqty qorytýdyń buzylysy da ishtiń ótýi men qusýdy týyndatýy múmkin.
Qalaı organızmniń sýsyzdanýynyń aldyn alýǵa bolady?
Ishtiń ótýi men qusý ustamasy baıqalǵan kez kelgen adamǵa joǵaltylǵan suıyqtyq pen elektrolıtterdiń ornyn toltyrý qajet.
Ishtiń ótýi men qusý kezinde joǵaltylǵan suıyqtyqtyń ornyn toltyrý úshin eresekter men egde jastaǵy adamdar kúnine, keminde, 7-8 staqan sý ishýi qajet. Egde adamdarǵa joǵaltylǵan suıyqtyqtyń ornyn toltyrý úshin ishýge arnalǵan regıdratatsııalaý eritindileri taǵaıyndalýy múmkin (nusqaý).
Qusý men ishtiń ótýin toqtatý úshin dárilik preparattardy qabyldaý qajet pe?
Ádette, qajeti joq, sebebi, qusý men ishtiń ótýi tez ótedi. Infektsııalar kezinde qusý men ishtiń ótýi - ınfektsııalyq bólikti organızmnen shyǵarýǵa organızmniń qorǵanystyq reaktsııasy. Qusý men ishtiń ótýin toqtatatyn dárilerdi qabyldaý organızmniń ózdiginshe qalpyna kelýine kedergi keltirýi múmkin. Sondaı-aq, antıbıotıkterge de qajettilik joq. Dárilik preparattar qajet dep sanasańyz, dárigerge aıtyńyz.
Balańyzda nemese jaqyn adamyńyzda sýsyzdaný damyǵandyǵyn qalaı bilýge bolady?
Adamda sýsyzdaný damyǵandyǵyn boljaý qıyn. Ádette, sýsyzdanýdyń sımptomdary aýyr dárejesine ótkende paıda bolady. Sýsyzdanýdyń kelesi sımptomdarynyń biri baıqalsa, ásirese, egde jastaǵy adamdarda, dárigerge kóriný qajet. Aýyr sýsyzdaný jaǵdaıynda ishtiń ótýi men qusý kezinde joǵaltylǵan suıyqtyqtyń ornyn toltyrý úshin naýqasqa kóktamyr (vena) arqyly suıyqtyq engizý qajet bolýy múmkin.
- Neseptiń mólsheriniń azaıýy nemese bolmaýy, túsiniń qoshqyl bolýy
- Neseptiń júrýiniń sıreýi
- Shóldeý
- Ashýshańdyq
- Tábettiń bolmaýy
- Salmaq joǵaltý
- Aýyzdyń qurǵaýy
- Teriniń sozylymdylyǵyn jáne serpimdiligin joǵaltý
- Uıqy basýy.
Ishtiń ótýi men qusý ýshyǵatyn bolsa, nemese ishtiń ótýine jáne/nemese qusýǵa ushyraǵan adamda kelesiler baıqalsa:
- Sýsyzdaný belgileri bolsa (joǵaryda keltirilgen).
- Qusý 8 saǵattan artyq jalǵassa nemese basylmaıtyn sıpatta bolsa.
- Nájiste qan paıda bolsa.
- Qusyqta qan paıda bolsa.
- 8 saǵat ishinde neseptiń júrýi bolmasa.
- Ýly zat jutý kezinde.
- Bulshyq ettiń shıryǵýy nemese bastyń kúshti aýyrsynýy bolsa.
- Enjar nemese uıqy basqan bolsa.
- 2 saǵattan artyq ýaqyt boıy ishte aýyrsyný bolsa.
- Ishtiń ótýi men qusý basqa aýrýdyń sımptomdary bolýy múmkin be?
- Ishtiń ótýi men qusýdy emdeý úshin qandaı dárilik preparattar kómektesedi?