Mazmuny
Balanıt – bul kúpektiń jáne jynystyq músheniń ushynyń qabynýy.
Erlerdiń reprodýktıvtik júıesine jynystyq múshe, uma, uryqtyq tútikter jáne qýyq asty bezi jatady.
Balanıt, kóbinese, súndetke otyrǵyzylmaǵan erlerdiń jeke gıgıena erejelerin oryndamaýynyń saldarynan bolady.
Aýrýdyń paıda bolýynyń basqa da kelesideı sebepteri bar:
- Reaktıvti artrıt nemese atrofııalyq jáne qyrma temiretki
- Infektsııalar
- Qurǵatatyn sabyndy qoldaný
- Shomylǵannan keıin sabynnyń kóbiginiń durys shaıylmaýy
- Baqylaýǵa alynbaǵan dıabet
- Kúpektiń nemese jynystyq músheniń qyzarýy
- Jynystyq músheniń ushyndaǵy basqa bóritkender
- Jynystyq músheden sasyq ıisti bólindiler shyǵýy
- Kúpektiń jáne jynystyq músheniń aýyrsynýy
Dáriger balonıtti medıtsınalyq tekseristiń negizinde ǵana anyqtaıdy. Degenmen, teride vırýstardyń, zeńder men bakterııalardyń bolýyn da tekserý qajet bolýy múmkin. Sondaı-aq, teriniń bıopsııasy da ótkizilýi qajet.
Emdeýdiń ádisin tańdaý balanıttiń sebebine baılanysty.
Bakterıaldyq balanıtte tabletka nemese jaqpaı maı túrindegi antıbıotıkter taǵaıyndalady.
Teri aýrýlary kezinde paıda bolatyn balanıtte steroıdtyq jaqpa maılar kómektesedi.
Zeńdik balanıtte zeńderge qarsy jaqpa maılar taǵaıyndalady.
Aýyr jaǵdaılarda súndetke otyrǵyzý - ońtaıly sheshim. Eger tazartý úshin kúpekti sozyp tartý múmkin bolmasa, naýqasty súndetke otyrǵyzý qajettigi týyndaıdy.
Kópshilik jaǵdaılarda, balanıtti jaqpa maılarmen jáne gıgıenany muqııat qadaǵalaý arqyly emdeýge bolady. Ádette, hırýrgııalyq emdeý qajet bolmaıdy.
Uzaq ýaqyt boıy qabynýdyń saldarynan týyndaıdy:
- Tyrtyqtaný tininiń qalyptasýy jáne jynystyq músheniń sańylaýynyń tarylýy
- Kúpekti ysyryp, penıstiń ushyn ashýdyń qıyndaýy (fımoz)
- Kúpekti jynystyq músheniń ushyna qaraı tartýdyń qıyndaýy (parafımoz)
- Penıstiń ushynyń qanmen qamtamasyz etilýiniń buzylysy
- Jynystyq músheniń qaterli isiginiń damý qaýpiniń artýy
Balanıttiń qandaı da bir sımptomdary bolsa, onyń ishinde, kúpektiń isinýi nemese aýyrsynýy bolsa, dárigerge kóriný qajet.
Jeke gıgıenany qadaǵalaý balanıttiń kópshilik jaǵdaılarynyń aldyn alýǵa kómektesedi. Shomylǵan kezde kúpekti tartyp, astyndaǵy aýmaqty tazartý qajet.
Balanopostıt