Mazmuny
Balanyń temperatýrasyn túsirýge tyrysý qajet pe?
Balaǵa qandaı dárilik preparatty berýge bolady?
Dárilik preparattardy qabyldaý boıynsha keńester
Temperatýrasyn túsirý úshin balaǵa aspırın berýge bolady ma?
Bala ózin jaqsy sezinýi úshin taǵy ne istýge bolady?
Vanna qabyldaý qyzýdy túsirýge kómektesedi me?
Balanyń temperatýrasyn túsirýge tyrysý qajet pe?
Qyzba – organızmniń ınfektsııany týdyratyn mıkrobtarmen kúresýiniń belgisi. Eger 3 aılyqtan 3 jasqa deıingi balada deneniń sýbfebrıldik temperatýrasy bolsa (38,8 °C deıin), oǵan dári bermeýge bolady. Dárilik preparattardy taǵaıyndaý dene temperatýrasy 38,8 °S asqanda usynylady.
Eger 3 aılyqtan jas sábıde dene temperatýrasy 38,8 °S asqanda, shuǵyl túrde dárigerge nemese jedel medıtsınalyq járdemge habarlasyńyz. Kishkentaı sábılerde qyzba aýyr ınfektsııanyń belgisi bolýy múmkin.
Balaǵa qandaı dárilik preparatty berýge bolady?
2 aılyq jastan kishi sábıge dárini dárigermen aqyldasyp qana berýge bolady.
Atsetamınofen aýyrsynýdy jáne qyzýdy túsiredi. Dárigermen balaǵa jaramdy preparattyń mólsherlemesi týraly keńesińiz. Mólsherleme balanyń jasy men salmaǵyna sáıkes esepteledi.
6 aılyqtan asqan balanyń temperatýrasyn túsirý úshin basqa preparat ıbýprofen qoldanylady. Ony balaǵa berýdiń aldynda dárigermen keńesý qajet. Dáriger balaǵa qajetti preparattyń durys mólsherlemesin aıtady.
Dárilik preparattardy qabyldaý boıynsha keńester
· Balaǵa kúnine preparattyń 5 mólsherlemesinen artyq bermeńiz.
· 2 aılyqtan kishi sábılerge tek dárigerdiń taǵaıyndaýymen ǵana dári berýge bolady.
· Preparatqa nusqaýlyqty muqııat oqyńyz. Balaǵa preparattyń durys mólsherin berýge kóz jetkizińiz.
· Suıyq dárilik quraldardy durys ólsheý úshin arnaıy ólshem staqan nemese qasyqty qoldanyńyz. Olardy dárihanadan satyp alýǵa bolady. Qarapaıym sháı qasyǵyn qoldanýda preparattyń mólsherinen qatelesýge bolady.
Temperatýrasyn túsirý úshin balaǵa aspırın berýge bolady ma?
Joq. Sırek jaǵdaılarda aspırın balalarda Reıe sındromynyń damýyna aparýy múmkin. Bul ólim-jitimge aparýy múmkin kúrdeli aýrý. Dárigerler 18 jastan kishi balalarǵa aspırın berýdi usynbaıdy.
Bala ózin jaqsy sezinýi úshin taǵy ne istýge bolady?
· Organızmi sýsyzdanbaýy úshin balaǵa kóbirek suıyqtyq berý qajet. Sý, sorpa, jemisti balmuzdaq pen hosh ıisti jelatın – jaqsy tańdaý.
· Eger bala suıyqtyqtyń jetkilikti mólsherin alsa, tamaq ishkisi kelmese, májbúrleý qajet emes.
· Balanyń demalysy jetkilikti bolsyn.
· Bólme temperatýrasy 21 – 230C deńgeıinde bolsyn.
· Balaǵa maqta matadan jeńil pıjama kıgizý qajet. Tym qymtaǵanda organızm qyzynyp, dene temperatýrasy artýy múmkin.
· Eger balada qaltyraý bolsa, oǵan qosymsha kórpe berińiz. Qaltyraý aıaqtalǵanda ony alyp tastańyz.
Vanna qabyldaý qyzýdy túsirýge kómektesedi me?
Atsetamınofendi jáne jyly vanna qabyldaý balanyń qyzýyn túsirýge kómektesedi. Atsetamınofendi vannanyń aldynda berińiz. Eger bala vannaǵa túser aldynda preparatty qabyldamasa, ol dirildeı bastaýy múmkin, onyń organızmi qaıtadan temperatýrany arttyrýy múmkin. Bul balanyń jaǵdaıyn nasharlatady. Salqyn sýly vannany qabyldaýǵa jáne balany spırtpen ysqylaýǵa bolmaıdy.