Ol ne? Dıýpıýıtren aýrýy nemese Dıýpıýıtren kontraktýrasy – taban nemese alaqandaǵy teri astynda tinderdiń artyq qalyńdaýy. Qalyńdalǵan teri men sińirler (shandyr) nátıjesinde qozǵalysty shekteıdi nemese saýsaqtardy jazý múmkindiginsiz búgilýine alyp keledi.
Dıýpıýıtren aýrýynyń (keıde muny vıkıngterdiń aýrýy dep ataıdy) sebepteri belgisiz. Degenmen sebep faktory retinde tuqym qýalaý bolýy múmkin. Basqa da múmkin faktorlar: maskúnemdik, temeki shegý nemese qant dıabeti. Siresýge júıelik qyzyl jegi men revmatoıdti artrıt sııaqty júıelik aýrýlar ákep soqtyrýy múmkin.
Sımptomdary. Dıýpıýıtren aýrýynyń baıqalatyn alǵashqy belgisi saýsaqtardyń negizindegi tinniń azdap kóterilýi bolyp tabylady. Aýrýdyń asqynýyna oraı, alaqandy saýsaqpen nemese saýsaqtarmen ( ádette shyldyr shúmek), jáne sozylǵan saýsaqty (saýsaqtardy) alaqanǵa jalǵaıtyn, jip tárizdi talshyqty arqan aqyryndap paıda bolýy múmkin. Eger kontraktýra kúshti bolsa, onda kúndelikti jumystardy atqarý (mysaly, zat kóterý, qolǵap kııý nemese qol jýý) qıynǵa soǵady nemese múldem bolmaýyna ákelýi múmkin.
Emdeý. Jeńil formada bolsa, qozǵalmalylyqty saqtaýda zaqymdalǵan saýsaqtardy únemi sozý jetkilikti.Aýyr jaǵdaıda bolsa, negizgi em jáne fýnktsııany jaqsartý tásili operatsııa bolyp tabylady. Tipti sol jergee (nemese qoldyń basqa jerine) sátti operatsııa jasalǵan bolsa da, alaqan tinderiniń qalyńdaýy jańadan paıda bolýy múmkin. Bul jaǵdaıda qaıta operatsııa jasaý qajet bolady.