Itsenko-Kýshıng sındromy – bul gormonaldy buzylys. Ol aǵzanyń kortızonnyń shamadan tys bólinýinen týyndaıdy. Kortızon - bul búırek ústi beziniń qyrtysty qabatynan túziletin gormon.
Paıda bolý sebepteri
Atalmysh sındrom qabynbaly aýrýlarǵa qarsy, mysaly sıntetıkalyq gormon kezinde qoldanylatyn prednızolon sekildi dárilerdiń áserinen týyndaıdy. Keıde qaterli isikterdiń keıbir túrleri de kortızonnyń shamadan tys bólinýine sebepshi bolatyn gormondardy óndiredi.
Itsenko-Kýshıng sındromy óte sırek kezdesetin aýrý.
Sımptomdary
• Deneniń joǵarǵy bóliginiń tolysýy;
• Aıaq-qoldardyń jińishkerýi;
• Qatty sharshaǵyshtyq jáne bulshyqet álsizdigi;
• Qan qysymynyń joǵarylaýy;
• Qanda qanttyń deńgeıi joǵarylaýy;
• Deneniń tez kógerip ketýi.
Dıagnostıkasy
Ádette zerthanalyq zertteýler aýrýdyń bar-joǵyn tez anyqtap, onyń sebebin anyqtaýǵa múmkindik beredi.
Emdeý
Emdeý aǵzadaǵy kortızonnyń artyq bóliný sebebine baılanysty boldy. Dári-dármektermen emdeý barysynda sıntetıkalyq gormondarmen preparattyń mólsherin azaıtý arqyly sımptomdardy baqylaýǵa bolady. Eger aýrý isikten týyndaǵan bolsa, hırýrgııalyq jolmen emdeý kerek nemese basqa da emdeý sharalardy qoldanýdyń da qajet bolýy múmkin.
Tegter:
Itsenko-Kýshıng sındromy