Vagınıt (kolpıt) - bul qynaptyń shyryshty qabatynyń qabynýy. Qozdyrǵyshtary ár túrli bakterııalar bolyp tabylady. Onyń alǵashqy belgileri áıeldiń jynys músheleri aımaǵynda ashytý sezimi bolady. Qatysty faktorlarǵa analyq bezdiń gıpofýnktsııasy, jeke gıgıena erejelerin saqtamaý jatady.
Vagınıttiń jedel, jedeldeý jáne sozylmaly túrde bolady..Jedel qabyný kezinde naýqas qynaptaǵy aýyrlyq sezimine, syrtqy jynys aımaǵynyń ashýyna, qyshýyna jáne sol aımaqtan serozdy-irińdi bólindiler bólingendigine shaǵymdanady. Kez kelgen bólindini kórgen sátte, qatty qoryqpaǵan abzal, óıtkeni bul qarapaıym vagınıt bolýy múmkin. Dáriger gınekologqa qaralý qajet. Aýrýdyń paıda bolýy alǵashynda syrtqy jynys aımaǵynda aq tústi bólindilerdiń bólinýimen kórinedi. Bólindiler sý tárizdi nemese irińdi bolady jáne zár shyǵarý kezinde qyshý, ashý sezimi seziledi. Áıel adam árdaıym jynys músheleri aımaǵynda aýyrlyq pen jaǵymsyz sezinýler bolady. Jynystyq qatynas kezinde aýyrsyný bolady. Bul jaǵymsyz áserlerge qaramastan qarapaıym vagınıt áıel aǵzasynda qatty ózgerister týdyrmaıdy. Alaıda mindetti túrde dárigerge qaralý kerek. ótkeni bul aýrýdyń sımptomdary kandıdoz,hlamıdıoz,trıhomanıaz sııaqty aýrýlarmen sáıkes keledi.
Vagınıt mıkroaǵzalardan týyndaıdy. Mıkroaǵzalar qalypty túrde qynyptyń ishinde bolady, biraq az mólsherde. Qabyný kezinde qynyptyń ishindegi patogendi mıkroaǵzalar (stafılokokktar, streptokoktar jáne t.b.) kóbeıedi. Olardyń kóbeıýi júktilik kezinde kúsheıedi. Sondyqtan júktilik kezinde vagınıt bolsa, ony tezirek emdeý qajet. Ótıkeni, ol týý kezinde balaǵa juǵýy múmkin. Vagınıt sonymen qatar týý kezinde jatyrdyń jyrtylýyna sebep bolady.
Vagınıtti týyndatqan mıkrobqa túrine baılanysty jergilikti jáne jalpy emdeıdi. Jazylýyna septik etetin mańyzdy faktordyń biri – em alý kezinde jynystyq qatynasty tolyq toqtatý bolyp tabylady. Irindi jáne shyryshty bólindiler kezinde jatyrdyń ishin antıseptıkalyq eritindilermen jýyp shaıady. Sonymen qatar, bir ýaqytta ımmýnıtetti kóteretin dáriler beriledi. Qozdyrǵyshtardyń sezimtaldyǵyna baılanysty antıbıotıkter taǵaıyndalady. Olardy jaqpa maı túrinde qoldanady.
Jalpy júkti áıelderdiń vagınıtin emdeýge erekshe kóńil bólinedi.Sebebi, bir jaǵynan olardaǵy qabyný protsessin tolyǵymen joıý mańyzdy bolmaq, ekinshi jaǵynan júktilik dárilik preparattardy qoldaný tásilderine jáne dozalaryna shekteý qoıady. Vagınıtti durys emdeý jáne aldyn alý kóp jaǵdaıda jaqsy boljam jasaýǵa múmkindik beredi.
Tegter:
vagınıt
kolpıt