Mazmuny
Emdeý
Jalpy aqparat
Ót qaby – bul baýyrdyń astynda ornalasqan, almurt tárizdi múshe. Onyń ishinde maılardy qorytý úshin qyzmet etetin, baýyrda óndiriletin suıyqtyq bolady. Asqazan men ishek tamaqty aınaldyryp jatqanda, «jalpy ót tútigi» dep atalatyn tútik arqyly ót qabynan suıyqtyq jiberiledi. Bul tútik ót qaby men baýyrdy ash ishekpen jalǵaıdy.
Ishtiń músheleri: óńesh, asqazan, toq jáne ash ishekter, baýyr, ót qaby jáne uıqybezi taǵamnyń qorektik zattekterin energııaǵa aınaldyrady jáne taǵamnyń qorektik emes bólikterin qoqystarǵa ydyratady, keıinnen olar organızmnen syrtqa shyǵarylady.
Baýyr - adam organızmindegi eń úlken múshe. Ol ishtiń oń jaq qabyrǵa aýmaǵynda ornalasqan. Baýyr eki bólikten turady – úlken ólshemdi oń bóligi jáne kishi sol bóligi. Baýyr birqatar mańyzdy qyzmetti atqarady. Baýyr qannan zııandy zattekterdi syrtqa shyǵarady. Sondaı-aq, baýyr asty qorytýǵa kómektesetin fermentter men ótti óndiredi. Ol taǵamdyq zattekterdi zat almasýynda, aǵzanyń ósýi men damýynda qatysatyn usaq qosylystarǵa deıin ydyratady. Baýyr qandy eki qantamyry arqyly alady. Negizgi tamyr – baýyrdyń qaqpa venasy. Ekinshisi – baýyr arterııasy.
Ót qaby baýyrdyń astynda ornalasqan qaltasha tárizdi bolady. Ol baýyrda óndiriletin ótke tolǵan. Ót ishekke maılardy qorytýǵa kómektesedi.
Sebepteri jáne sımptomdary
Eger ót tútikterinen óttiń aǵýyna birdeńe kedergi bolsa, onda jaısyzdyq paıda bolýy múmkin. Ádette, mundaı jaǵdaıǵa óttegi tastar sebepker bolyp jatady. Ót qabynda tastyń túzilýi óttiń quram bólikteriniń qataıýyna baılanysty oryn alady. Ót tas aýrýynyń ustamalary ádette tamaq ishkennen keıin mazalaıdy. Ót tas aýrýynyń sımptomdary: júrektiń aınýy, qusý, ishtegi, arqadaǵy nemese oń qoldyń astyndaǵy aýyrsyný sezimderi.
Ót qabynyń tastary kóbinese egde jastaǵy adamdarda, áıelderde, artyq salmaǵy bar adamdarda kezdesedi .
Emdeý
Ót qabynyń tastary basqa aýrýlardy tekserý barysynda jıi anyqtalyp jatady. Eger sımptomdary bolmasa, arnaıy emdeýdi qajet etpeıdi. Jalpy bul jaǵdaıdy ońtaıly sheshýdiń keń taralǵan ádisi – ót qabyn alyp tastaý. Adamdar ót qabynsyz da ómir súre beredi. Ót suıyqtyǵy ash ishekke basqa tásildermen de túsedi.
Derekkóz: AQSh-tyń Ulttyq densaýlyq saqtaý ınstıtýtarynyń derekqorynan alyndy: http://www.nlm.nih.gov/medlineplus/gallstones.html
Kóp qaıtalanbaly qusý (erlerde | áıelderde)
Asqazannyń aýrýy (erlerde)
Tegter:
tastar
ót
ót qaby
baýyr
ót qabyndaǵy tastar