Epıdermalyq jylaýyq nemese maıly jylaýyq - bul teriniń joǵarǵy qabatynyń astynda paıda bolatyn, irimshik tárizdi maıly zatqa (teri maıyna) toly qýys. Bul jylaýyqtar jıi bas, qulaq, bet, arqa, uma terisinde paıda bolady. Onyń basty sebebi, shash follıkýly ózeginiń bitelip qalýy.
Teri astynda paıda bolatyn túıirshikter men tómpeshikter – jylaýyqtyń basty belgileri jáne sımptomdary bolyp tabylady.
Bul tómpeshikter:
• Qatty bolady jáne ońaı qozǵalady;
• Sary jáne aq tústi bolady. Al jaraqat alǵan jaǵdaıda, qabyný nemese ınfektsııalanǵan kezinde ol qyzyl tústi bolýy múmkin;
• Aýyrsynýsyz keledi (jaraqat kezinde nemese ınfektsııalanǵan bolsa aýyrsynýy múmkin);
• Dıametri 1-den 4 sm-ge deıin. Gormonaldy yntalandyrý nemese jaraqat alý jylaýyq kóleminiń úlkeıýine ákep soqtyrady.
Eger jylaýyq sımptomdar týdyrmasa, onda ádette medıtsınalyq aralasý qajet emes. Eger onyń jaraqaty kezinde nemese ınfektsııalanǵan bolsa, nemese ynǵaısyzdyq týdyratyn bolsa, jylaýyqty alyp tastaıdy. Eger jylaýyq ınfektsııaǵa ushyraǵan bolsa, onda ony alyp tastaǵannan keıin antıbıotıkalyq terapııa kýrsyn júrgizýge bolady.
Tegter:
jylaýyq
tómpeshikter