Búırek– bul jup múshe. Ol asqazannyń tómengi jaǵynda, omyrtqanyń eki bóliginde ornalasqan. Dálirek aıtqanda, búırek – ishastar arty keńistiginde ornalasqan aǵza retinde sıpattalady.
Ár búırektiń kólemi judyryqtaı bolady. Búırektiń joǵarǵy bóliginde búırek ústi bezi ornalasady. Búırek jáne búırek ústi bezi maı tinimen jáne fıbrozdy kapsýlamen (Gerot fastsııasy) qorshalǵan.
Búırek – zár shyǵarý júıesiniń bir bóligi bolyp sanalady. Onyń qyzmeti – zármen birge
qannan shlaktar men artyq sýlardy bólip shyǵarady. Zár ár búırektiń ortalyq bos keńistigine jınalady. Sosyn, búırek pen qýyqty jalǵastyratyn nesepaǵar arqyly qýyqqa quıylyp, qýyqtan zár shyǵarý tútigi arqyly syrtqa shyǵady.
Búırek tek zárdi sıntezdeıtin múshe ǵana emes, sonymen qatar qan qysymyn tepe-teńdikte ustaıtyn jáne erıtrotsıtterdiń túzilýine áser etetin hımııalyq zattardy da óndiredi.
Tegter:
Búırek
Zár shyǵarýshy júıe
Zár
Zár shyǵarý tútigi