Uıqy bezi – ish qýysynda asqazan men bel omyrtqanyń arasynda ornalasqan, asqorytý júıesiniń mańyzdy múshesi bolyp tabylady. Ol – baýyrmen, ishektermen jáne basqa da ishki múshelermen shektesedi. Qalypty uıqy beziniń uzyndyǵy 15 sm quraıdy. Qalpy – uzyn almurt tárizdi. Uıqy beziniń keń bóligin – basy, ortańǵy bóligin – denesi, jińishke bóligin – quıryǵy dep ataıdy.
Uıqy bezi – ózinen ınsýlın jáne taǵy da basqa gormondar bóledi. Bul gormondar qanaǵymǵa enip, búkil organızmge taralady. Bul gormondardyń qyzmeti – tamaq arqyly túsken energııany saqtaý jáne paıdalaný bolyp tabylady. Mysaly, ınsýlın qandaǵy qanttyń deńgeıin qalypty ustap turýǵa qatysady. Insýlınniń jetkiliksizdiginen qant dıabetti týyndaıdy.
Uıqy bezi sonymen qatar asty qorytýǵa qajetti asqorytý sólin – fermentterdi óndiredi. Odan óndirilgen asqorytý fermentteri arnaıy tútiksheler arqyly on eki ishekke túsedi. ( on eki ishek – biz qabyldaǵan tamaqtyń alǵashqy korytylýy júretin, ash ishektiń bastapqy bóligi.)
Tegter:
Baýyr
ınsýlın
Qant dıabetti
Fermentter