Bul ne? Býynnyń shyǵýy – súıekterdiń býyndaǵy qalypty ornynan qaıyryp nemese soǵyp qozǵap jiberýinen týyndaıtyn jaǵdaı. Muny keıde taıý dep te ataıdy. Súıektiń taıýy ártúrli jaǵdaıda oryn alýy múmkin. Mysaly dál býynǵa tıgen soqqydan, qulap qalǵannan, nemese oqys jasalǵan is-qımyldardyń sebebinen súıek óz ornynan qozǵalyp ketedi. Kóbinese súıektiń taıýy tize asyǵynda, jambas býynynda, bilezikte, saýsaqtardyń býyndarynda, shyntaq jáne ıyq býyndarynda oryn alýy múmkin.
Býyn shyǵýdyń qandaı túrleri bolady?
Eger adamnyń býyndary tabıǵatynan álsiz bolsa, kúndelikti turmystaǵy jaǵdaıda da býyn taıyp kete beredi. Keıbir jandar jaraqat alǵannan keıin, býyndary durys bitpeýine baılanysty býyn alynbaly-salynbaly bolyp qalady. Kishkentaı balalardyń súıekteriniń shyǵýy dóreki qylyqtardyń saldarynan bolady. Keıde ishte jatqan balanyń býyndary durys qalyptaspaı qalǵannan da bolady. Potologııalyq turǵydan býyndardy ustap turatyn sińirlerdiń álsiz bolýyna baılanysty Marfan sındromymen aýratyn adamdardyń býyndary taıǵysh keledi.
Asqynyp ketse qalaı bolady? Súıekti ornyna salǵannan keıinde taıǵysh bolýy salmaqty máselege aınalady. Sebebi, usaq tinder sozylyp nemese úzilip ketýi yqtımal, bolmasa, býynnyń aınalasyndaǵy (baılamdar, sińirler, bulshyq etter, shemirshekter, býyn qabyqshalary) úzilip ketýi múmkin. Jaraqattaný júıke júıesi men qanazyq tamyrlaryn zaqymdaýy múmkin. súıek synyǵy býyn ishinde synyp, nemese qysylyp qalyp qoıýy múmkin. Osy atalǵan máselelerge qatysty býynnyń shyǵý túri kezdesse, ony tek hırýrgııalyq jolmen qana emdep kórýge bolady.
Tegter:
býynnyń shyǵýy
býynnyń alynbaly-salynbaly bolyp qalýy,
býynda súıek synyǵynyń qalyp qoıýy