Mazmuny
Titirkengen qýyq sındromy – kenetten nesep shyǵarǵysy kelý seziminiń paıda bolýy jáne nesep ustamaýymen sıpattalatyn aýrý.
Titirkengen qýyq sındromy bolsa, kelesi sımptomdardyń ekeýi nemese birnesheýi bolýy múmkin:
· Kúnine segiz nemese odan kóp ret, túnde eki nemese odan kóp ret nesep shyǵarý bolsa
· Kenetten nesep shyǵarǵysy keletin kúshti sezim paıda bolsa
· Nesep shyǵarǵysy keletin kúshti sezimnen keıin nesep ustamaýy paıda bolýy múmkin.
Qýyq qyzmetin baqylaı almaý da paıda bolýy múmkin. Bul júıke aýrýynan, suıyqtyqty nemese kofeındi kóp mólsherde tutynýdan bolýy múmkin. Kóbinese, sebebi anyqtalmaıdy.
Qýyqtyń anatomııasy men qyzmeti.
Nesep búırekterde óndiriledi jáne nesepaǵar arqyly qýyqqa túsedi, sonda jınaqtalady. Qýyq –bulshyq ettik qýys aǵza, nesep shyǵarý kanaly (qýyqtan syrtqa qaraı ótetin tútik) arqyly syrtqa shyǵarylǵanǵa deıin nesep jınaqtalatyn oryn.
Qýyqtyń qabyrǵasynda ornalasqan bulshyq et – detrýzor jıyrylyp, organızmnen nesepti shyǵarǵanda qýyq bosatylady. Qýyq jıyrylǵanda nesep sfınkteri bosańsıdy. Bosańsyǵan sfınkter organızmnen nesepti shyǵarýǵa múmkindik beretin, ashylatyn esik qyzmetin oryndaıdy. Nesep durys shyǵarylýy úshin bulshyq et – detrýzor men sfınkterdiń bosańsýy bir ýaqytta bolýy tıis. Qýyqtyń bulshyq et qabyrǵasyndaǵy júıke jalǵamdary atsetılholındi – bulshyq et jasýshalarynyń retseptorlaryna tán, jıyrylýyna yqpal etetin zattekti óndiredi. Júıke jalǵamdary boıynsha sıgnaldar mıǵa túsedi jáne qýyqty, bosatý qajettigin habarlaıdy. Bul vegetatıvti úrdis, ıaǵnı, ózdiginen baqylanbaıtyn. Jalpy, nervter, bulshyq et, mı arasyndaǵy ózara áreket – asa kúrdeli úrdis.
Dáriger bulshyq et pen nervterdi tynyshtandyratyn dárilik preparatty taǵaıyndaıdy. Dári tabletka, suıyqtyq nemese plastyr túrinde bolýy múmkin. Bul preparattar kózdiń qurǵaqtyǵyn, aýyzdyń qurǵaqtyǵyn jáne ish qatýyn týyndatýy múmkin. Mundaı qolaısyz áserdi joıý úshin ylǵaldandyratyn kóz tamshylaryn, shaınaıtyn qantsyz saǵyzdy, kúni boıy azdaǵan sý iship júrýdi qarastyrýǵa bolady.