Mazmuny
Rozeola - bul vırýstyq ınfektsııa, ádette, emshek emetin jáne jas sábılerde kezdesedi. Qyzǵylt-qyzyl bóritkenmen jáne joǵary temperatýramen sıpattalady. Rozeola – bul qyzamyq emes; bul aýrýlardyń arasynda sál aıyrmashylyq bar. Rozeola qaýipti emes, sımptomatıkalyqtan basqa emdeýdi qajet etpeıdi, tez ýaqytta ózdiginshe ótedi.
Rozeola 3 aılyqtan bastap 4 jasqa deıingi sábılerde jıi kezdesedi, kóbinese, 6 aılyqtan bastap 1 jasqa deıingi sábılerdi zaqymdaıdy.
Vırýstyń qozdyrǵyshy – adamnyń 6 tıpti gerpes vırýsy (HHV-6). Biraq, basqa vırýstyq aýrýlarda da uqsas sımptomdary paıda bolýy múmkin.
Sımptomdary
Juqpalaný men sımptomdardyń paıda bolýynyń arasyndaǵy ýaqyt (ınkýbatsııalyq kezeń) : 5-15 kún.
Alǵashqy sımptomdary:
• Kózdiń qyzarýy
• Jalpy álsizdik, jylaýqorlyq
• Murynnyń aǵýy
• Kómeıdiń aýyrsynýy
• Temperatýra tez joǵarylap, 40°S deıin jetýi múmkin, 3 - 7 kún boıy bolady.
Aýrý bastalǵannan keıin 2-4 kún ótkende temperatýra túsip, bóritken paıda bolady. Bóritken, ádette:
• Denede paıda bolady, odan keıin qol-aıaqqa, moıynǵa jáne betke kóshedi
• Qyzǵylt nemese qyzǵylt –qyzyl tústi
• Teriniń ústinde sál kóterilip turǵan shaǵyn oıyq jaralary bar,
Rozeola úshin qyzǵylt, tegis nemese teriniń ústinde sál kóterilip turǵan, dıametri 2 -3 mm bolatyn bóritkender bar.
Bóritken birneshe saǵattan 2-3 kúnge deıin sozylady. Bul aýrý kezinde, ádette, qyshý bolmaıdy.
Dáriger balany qarap, aýrýdyń syrqatnamasyn suraıdy. Qaraǵan kezde moıynnyń, qulaqtyń (artqy) lımfa túıinderiniń ulǵaıýy baıqalady.
Rozeolany telimdi emdeý túrleri joq. Aýrý, ádette, ózdiginshe, asqynýsyz ótedi.
Atsetamınofen nemese Ibýprofen tobynyń qabynýǵa qarsy dárileri, sondaı-aq, sýyq sýǵa salynǵan gýbkamen ysqylaý temperatýrany túsirýge yqpal etýi múmkin. Temperatýra artqanda keıbir balalarda qurysý paıda bolady. Bul jaǵdaıda jedel medıtsınalyq járdemdi shaqyrý nemese jaqyn jerdegi medıtsınalyq kómek kórsetý ornyna habarlasý qajet.
• Aseptıkalyq menıngıt (sırek jaǵdaıda)
• Entsefalıt (sırek jaǵdaıda)
• Qyzba kezinde qurysý.
Kelesi jaǵdaılarda medıtsınalyq járdemge júginińiz, eger:
• Joǵary temperatýra, qabynýǵa qarsy qyzý túsiretin preparattardy (atsetomınofen nemese ıbýprofen) jáne sýyq kompressti qoldanýdan túspeıtin bolsa
• Jalpy jaǵdaıdyń nasharlaýy
• Álsizdik, nashar seziný, jylaýqorlyq.
Qurysý paıda bolsa, shuǵyl túrde jedel medıtsınalyq járdemdi shaqyrý qajet.
Qoldy muqııat jýý jáne jeke gıgıenany qadaǵalaý rozeolany týyndatqan vırýstardyń taralýynyń aldyn alady.
Kenet ekzantema; Altynshy aýrý.