Bul degenimiz ne? Osteoartrıt – býyndardyń soǵylýynan saqtaıtyn shemirshek ýaqyt óte buzylatyn jaǵdaı. Túbinde, súıek – buryn shemirshekpen bólinetin– bir birine úıkele bastaıdy, nátıjesinde, tómenirek ornalasqan súıek tinniń buzylýy oryn alady, bul býyn sımptomdaryn týyndatady. revmatoıdtyq artrıtten aıyrmashylyǵy - osteoartrıt tinderdiń qabynýymen qosarlanbaıdy.
Kimde kezdesedi? Osteoartrıt – býyndardyń keń taralǵan aýrýy, 70-ten asqan adamdardyń 80 paıyzynan astamyn zaqymdaıdy, eńbekke qabiletti joǵaltýdyń negizgi sebebi.
Qandaı býyndar jıi zaqymdanady? Kóbinese, ol omyrtqaǵa, úlken saýsaqqa, sanǵa, tizege, baqaıǵa áser etedi.
Sımptomdary qandaı? Osteoartrıttiń sımptomdarynyń ishinde mańyzdysy kelesiler:
· Aýyrsyný ádette, úlken saýsaqta, sanda, tizede, omyrtqada, baqaıda, ıyqta bolady – zaqymdaný tusyna baılanysty. Aýyrsyný ádette, býynnyń qozǵalysymen baılanysty jáne belsendilikten keıin, keshke qaraı kúsheıedi. Aýrý asqynǵanda aýyrsyný uıqtaǵanda da bolady.
· Býynnyń qozǵalýynyń shektelýi jáne siresý sezimi (bir saǵattan artyq sozylady), áreket etpeý kezeńderinen keıin, mysaly, tańerteń, túngi uıqydan keıin.
· Býynnyń álsizdigi jáne keıde isinýi, bul býyn ishindegi jáne mańaıyndaǵy suıyqtyqtan týyndaıdy (sınovıt).
· Býyndardyń ulǵaıýy, mysaly, saýsaq býnaǵynda súıek túıinderiniń paıda bolýy.
· Qozǵalǵanda úıkelis sezimi (krepıtatsııa), aýyrsynýmen jıi qosarlanady.
Emdeý. Osteoartrıttiń sımptomdary kóbinese, aýyrsynýdy basatyn dárilermen úı jaǵdaıynda tabysty emdeledi, sondaı-aq, ýaqytyly demalý, dene júktemelerin azaıtý, emdik dene shynyqtyrý qajet. Osteoartrıt ádette, keıde ýshyǵady, biraq, ýaqyt ótkesin basylady. Keıde gormondar ınektsısy (kortıkosteroıdtar) usynylady. Aýyr jaǵdaıda býyndy almastyrý boıynsha nemese býynnyń qozǵalysyn qalpyna keltirý úshin, zaqymdanǵan tinderdi alyp tastaý úshin operatsııa qajet bolady.