Мазмұны
Баланит – бұл күпектің және жыныстық мүшенің ұшының қабынуы.
Ерлердің репродуктивтік жүйесіне жыныстық мүше, ұма, ұрықтық түтіктер және қуық асты безі жатады.
Баланит, көбінесе, сүндетке отырғызылмаған ерлердің жеке гигиена ережелерін орындамауының салдарынан болады.
Аурудың пайда болуының басқа да келесідей себептері бар:
- Реактивті артрит немесе атрофиялық және қырма теміреткі
- Инфекциялар
- Құрғататын сабынды қолдану
- Шомылғаннан кейін сабынның көбігінің дұрыс шайылмауы
- Бақылауға алынбаған диабет
- Күпектің немесе жыныстық мүшенің қызаруы
- Жыныстық мүшенің ұшындағы басқа бөріткендер
- Жыныстық мүшеден сасық иісті бөлінділер шығуы
- Күпектің және жыныстық мүшенің ауырсынуы
Дәрігер балонитті медициналық тексерістің негізінде ғана анықтайды. Дегенмен, теріде вирустардың, зеңдер мен бактериялардың болуын да тексеру қажет болуы мүмкін. Сондай-ақ, терінің биопсиясы да өткізілуі қажет.
Емдеудің әдісін таңдау баланиттің себебіне байланысты.
Бактериалдық баланитте таблетка немесе жақпай май түріндегі антибиотиктер тағайындалады.
Тері аурулары кезінде пайда болатын баланитте стероидтық жақпа майлар көмектеседі.
Зеңдік баланитте зеңдерге қарсы жақпа майлар тағайындалады.
Ауыр жағдайларда сүндетке отырғызу - оңтайлы шешім. Егер тазарту үшін күпекті созып тарту мүмкін болмаса, науқасты сүндетке отырғызу қажеттігі туындайды.
Көпшілік жағдайларда, баланитті жақпа майлармен және гигиенаны мұқият қадағалау арқылы емдеуге болады. Әдетте, хирургиялық емдеу қажет болмайды.
Ұзақ уақыт бойы қабынудың салдарынан туындайды:
- Тыртықтану тінінің қалыптасуы және жыныстық мүшенің саңылауының тарылуы
- Күпекті ысырып, пенистің ұшын ашудың қиындауы (фимоз)
- Күпекті жыныстық мүшенің ұшына қарай тартудың қиындауы (парафимоз)
- Пенистің ұшының қанмен қамтамасыз етілуінің бұзылысы
- Жыныстық мүшенің қатерлі ісігінің даму қаупінің артуы
Баланиттің қандай да бір симптомдары болса, оның ішінде, күпектің ісінуі немесе ауырсынуы болса, дәрігерге көріну қажет.
Жеке гигиенаны қадағалау баланиттің көпшілік жағдайларының алдын алуға көмектеседі. Шомылған кезде күпекті тартып, астындағы аумақты тазарту қажет.
Баланопостит