Mazmuny
Dárigerge kórinýden neni kútýge bolady
Dıspepsııa nemese as qorytýdyń buzylysy – bul ishtiń joǵarǵy bóligindegi jeńil jaısyzdyq, tamaq ishý kezinde nemese ishkennen keıin paıda bolady, kelesi túrde sezilýi múmkin:
- Kindik pen tóssúıeginiń arasyndaǵy qyzý, kúıdirý nemese aýyrsyný sezimi
- Tamaq ishken kezde nemese ishkennen keıin birden paıda bolatyn jaǵymsyz, ishtiń tolyp ketý sezimi
Ishtiń kebýi jáne júrek aınýy - jıi kezdespeıtin sımptomdary.
Dıspepsııa – qyjyldyń sımptomyna jatpaıdy.
Óńesh, asqazan, ash jáne toq ishek, baýyr, ótqaby jáne uıqybezi taǵamnyń qorektik bólikterin energııaǵa aınaldyrady jáne qorektik emes bólikterin qaldyqtarǵa ydyratady, qaldyqtar organızmnen syrtqa shyǵarylady.
Kóbinese, eger qan ketýi, salmaq joǵaltý nemese jutý sekildi basqa sımptomdarmen birge bolmasa, dıspepsııa densaýlyqqa qatysty kúrdeli máseleniń belgisi emes.
Keıbir sırek jaǵdaıda júrek ustamasy kezindegi jaısyzdyq dıspepsııa retinde qate qabyldanýy múmkin.
Dıspepsııanyń týyndaý sebepteri:
• Alkogoldi shamadan tys tutyný
• Tatymdylyǵy kóp, maıly nemese qýyrylǵan taǵam
• Tamaqty shamadan kóp ishý
• Tamaqty tez ishý
• Kúızelis nemese kúıgelektený
• Talshyǵy mol tamaqty tutyný
• Temeki shegý
• Kofeındi shamadan tys kóp tutyný
Dıspepsııanyń basqa sebepteri:
• Ót tastary
• Gastrıt (asqazannyń silemeı qabatynyń qabynýy jáne isinýi)
• Uıqybeziniń qabynýy (pankreatıt)
• Oıyqjaralar (asqazannyń nemese ishektiń)
• Keıbir dárilik preparattardy qabyldaý, mysaly, antıbıotıkterdi, aspırındi nemese aýyrsynýdy basatyndar (NPVP – steroıdty emes qabynýǵa qarsy preparattar).
Tamaqtaný tártibin ózgertý sımptomdardy jeńildetedi, ol úshin oryndaý qajet:
• Tamaqty asyqpaı ishý
• Tamaqty muqııat jáne tolyǵymen shaınaý
• Tamaq ishkende sóılespeýge tyrysyńyz
• Tamaq ishkenen keıin birden tolqý nemese dene jattyǵýlaryn oryndaýdan alshaq bolyńyz.
• Jaıbaraqattanyp, demalyńyz, eger buzylys kúızelisten týyndasa.
Aspırındi nemese basqa NPVP - steroıdty emes qabynýǵa qarsy preparattardy qabyldaýdan alshaq bolyńyz. Eger olardy qabyldaý qajet bolsa, tamaq ishkennen keıin qabyldańyz.
Antatsıdterdi qabyldaý (asqazan sólindegi tuz qyshqylyn beıtaraptandyratyn preparat) dıspepsııany jeńildetedi.
Ranıtıdın (Zantak) jáne omeprazol (Prılosek) sekildi dárilik preparattar da sımptomdardy jeńildetedi. Dáriger osy dárilerdi úlken mólsherlemesimen nemese uzaq ýaqyt boıy qabyldaýdy usynady.
Iegińizde, keýdeńizde, arqańyzda aýyrsyný bolsa, tersheńdik, mazasyzdaný nemese sharasyzdyq sezimi bolsa, shuǵyl dárigerge kóriný qajet. Bul júrek ustamasynyń sımptomdary bolýy múmkin.
Kelesi jaǵdaılarda dárigerge kórinińiz:
• Dıspepsııa sımptomdarynyń ózgerisin baıqasańyz
• Sımptomdar birneshe kúnnen artyq sozylsa
• Túsiniksiz salmaq joǵaltý paıda bolsa
• Kenetten, kúshti aýyrsyný paıda bolsa
• Jutýda máseleler paıda bolsa
• Teri men kózdiń aǵy sarǵaısa (sary aýrý)
• Qusyqta nemese nájiste qan paıda bolsa
Dárigerge kórinýden neni kútýge bolady
Dáriger asqazan men as qorytý joldarynyń aýmaǵyn tekseredi. Sımptomdar týraly suraqtar qoıady.
Dáriger kelesi tekserýlerdi taǵaıyndaıdy:
• Ish qýysynynń ÝDT (ÝZI)
• Qan taldaýy
• Fıbrogastrodýodenoskopııa.
Indıgestııa; tamaq ishkennen keıingi ishtiń tolyp ketý sezimi.