Mazmuny
Sınonımderi
Jalpy aqparat
Keloıd – zaqymdanǵan teriniń ústindegi dáneker tinderdiń ósýi.
Sebepteri
Kelotıdtar zaqymdalǵan teriniń ústinde bylaısha túziledi:
• Bezeý
• Kúıik
• Jelsheshek
• Qulaq tesigi
• Usaq syzattar
• Operatsııadan keıingi jaraqattar
• Ekpeden keıin
Atalmysh aýrý 10 jastan 20 jasqa deıingi adamdardyń arasynda, sondaı-aq azııalyqtar men latynamerıkalyqtardyń ortasynda jıi kezdesedi. Keloıd kóbinese tuqym qýalaıtyn aýrý.
Sımptomdary
Keloıdtyń sımptomdary mynadaı bolýy múmkin:
• Dene tústes, qyzyl nemese qyzǵylt;
• Jaraqattyń ústinen nemese janynan ornalasady;
• Syrtqy túri qabyrǵasha nemese túıinshe bolyp keledi;
• Qyshyǵysh jáne aýyrǵysh keledi;
• Ylǵı úıkelisip turady, mysaly, kıimge .
Keloıdtar kúnge kúıse teriniń saý jerinen qaraǵanda qaraıyńqyrap ketedi. Budan keıin teri, jarqyrap kórinedi.
Dıagnostıkasy
Keloıdty tekserý úshin dáriger terińizdi qarap shyǵady. Basqa da teriniń jańa túzilimderin joıý úshin terige bıopsııa jasalady.
Emdeý
Ádette, keloıdtar emdi qajet etpeıdi. Eger keloıd sizdi mazalasa, onyń kólemin kishireıtý úshin tómendegideı sharalar qolǵa alynady:
• Kortıkosteroıdtardy ınektsııa arqyly engizý;
• Muzdatý (krıoterapııa)
• Lazerlik rásimder ótkizý
• Radıatsııalyq terapııa
• Hırýrgııalyq jolmen alyp tastaý
• Sılıkondy gel qoldaný
Mundaı kóptegen emdeý ádisteri keloıd tyrtyǵynyń ulǵaıǵan kólemin joıýǵa baǵyttalady.
Boljamy
Ádette, keloıdtar adam saýlyǵy úshin asa qaýipti bolyp tabylmaıdy, biraq olar sizdiń syrtqy tulǵańyzǵa áser etip turady. Keıde olar ýaqyt óte kele kishireıýi de múmkin, nemese ulǵaıyp kózge suryqsyzdanyp kórinip turýy da yqtımal.
Dárigerge qashan qaralý kerek
Tómendegideı jaǵdaılar oryn alsa dárigerge qaralyńyz:
• Siz deneńizdegi keloıd bezderiniń kólemin kishireıtkińiz kelse, nemese múldem joıǵyńyz kelse;
• Sizde qandaıda-bir túsiniksiz sımptomdar paıda bolsa.
Aldyn alý
Kúnge shyqqan kezde keloıdqa selıkondy gel nemese kúnnen qorǵaıtyn krem jaǵyp qoıyńyz. Bul amal-sharǵyny ereekter hırýrgııalyq operatsııadan keıin nemese jaraqat alǵannan keıin joq degende 6 aı boıy, al balalar 18 aı boıy oryndap júrgeni durys.
Operatsııadan keıin keloıd tyrtyqtary túzilmeýi úshin jáne emdelgennen keıin qata mazalamaýy úshin ımıkvımod kremin qoldansańyzdar bolady.
Sınonımderi
Gıpertrofırli tyrtyq, Keloıd tyrtyǵy,
Bettiń isýi,bezeýler, allergııalyq serpilis (erlerde / áıelderde)
Tegter:
keloıd
keloıd tyrtyǵy
qara daqtardyń saldary
tyrtyqtar
teridegi tyrtyqty emdeý