Keıbir is áreketterdi qaıtalaǵanda, mysaly, úıdi áktegende qolǵa, saýsaqtarǵa jáne bilezikke artyq kúsh túsip, sonyń áserinen ýaqytsha aýyrsyný sezimi, isiný nemese siresýi paıda bolady. Eger siz jumys barysynda qalypty ózgertip nemese úzilis jasaıtyn bolsańyz, sımptomdary aqyryndap ketedi. Eger artyq júkteme úzilissiz bolsa, onyń saldary mynadaı asqynýlarǵa alyp kelýi múmkin:
• Bileziktegi ortańǵy nervtiń qysylýynan bilezik kanaly sındromy paıda bolady. Sımptomdaryna qoldaǵy nemese saýsaqtardaǵy shanshyp aýyrsyný sezimi, saýsaqtardyń bir-birine baılanýy, álsiz qımyldaýy jatady.
• Qol sińirińiń aımaǵyndaǵy tinderdiń jyrtylýynan aýyrsyný sezimi bolady (negizgde bul tendınıt sımtomy bolyp sanalady). Aýyrsyný jáne sezimtaldyqpen qosa, sińirdiń shaǵyn jaraqatynyń sımptomdaryna zardap shekken aımaqtyń álsireýi men qozǵalysynyń shektelýi jatady.
• Bir qımyldy qaıtalaı berý sındromy paıda bolady (atalmysh termın aýyrsynýdy, isýnýdi jáne sezimtaldyqty sıpattaýda qoldanylady).
• Jazý kezinde qoldyń qurysýy (qoldyń, saýsaqtyń, bileziktiń bir kımyldy qaıtalaı berýinen paıda bolady, mysaly, jazǵanda nemese arnaıy qurylǵymen tergende).
Qoldaǵy,saýsaqtaǵy, bileziktegi aýyrsyný sezimderi mynanyń áserinen bolýy múmkin.
• Dıýpıýıtren aýrýy – qoldyń, alaqannyń keı jaǵdaıda aıaqtyń teri asty qabaty qalyptan tys qalyńdap ketýi. Qalyńdaǵan teri men sińir qolda, saýsaqtarda aýyrsyný sezimi jáne qımyldyń shektelýine sebep bolýy múmkin.
• Syrtyldaq saýsaq nemese baqaı. Saýsaq búkkishiniń sińiri isingende nemese qalyńdaǵanda bolady.
• Ganglıozdy tsıstıt. Ganglıı – saýsaqta, bilezik súıekte,tizede, ıyqta paıda bolatyn syrty qabyqpen qaptalǵan, ishi móldir suıyqtyqqa toly kısta.
• Osteoartrıt – býyndy qorǵaıtyn jáne amortızatsııalyq qyzmet atqaratyn tinniń órshimeli túrde zaqymdalýy. Osynyń saldarynan qımyldyń shektelýi, aýyrsyný bolýy múmkin.
• Revmatoıdty artrıt – qoldaǵy qımyldyń shektelýine áser etedi,ýaqyt óte kele qol saýsaqtarynyń deformatsııasyna alyp keledi.
• Júıeli qyzyl jegi – ımmýndyq júıe qalypty tindi qarsy dene retinde kórip zaqymdaıtyn aýtoımmýndy aýrý.Kóbinese býyndarda aýyrsyný seziledi.
• Podagra –aýyrsyný sezimi jáne isinýmen sıpattalatyn býynnyń qabynýlyq aýrýy. Bul aýrý kezinde zár qyshqylynyń krıstaloıdtary býynnyń aımaǵynda jınalyp kalady, kóbinese aıaqtaǵy bas barmaq zaqymdalady.
• Vıbratsııalyq aýrý (diril aýrýy) – saýsaq pen baqaıdyń sýyqqa nemese stresske baılanysty aýyrsyný seziminiń bolýy .Osy kezde zaqymdalǵan aımaqtarda qan men qamtamasyz etilý buzylady,isiný,shanshý bolady.
• Bilezik aımaǵyndaǵy tinderdiń ıntsektsııalanýy qyzarý men isinýdi, ol óz kezeginde dene qyzýynyń kóterilýine, onymen janasqan kezde sezimtaldyqtyń joǵarlaýy nemese aýyrsynýdyń órshýine ákep soqtyrady.
Tegter
saýsaqtyń aýyrsynýy nemese siresýi
siresý
bileziktegi máseleler
sińirlerdegi aýyrsyný sezimi