Moıyn bulshyqetteriniń siresýi basqa sımptomdar bolmaǵan jaǵdaıda, uıqy kezinde durys jatpaı qalýynan nemese kompıýter aldynda uzaq ýaqyt otyrýdan paıda bolýy múmkin.
Sondaı-aq, moıyn bulshyqetteriniń siresýi basqa da sımptomdarmen qatar kórinýi múmkin, bul jaǵdaıda naýqastyń shaǵymy mańyzdy kórinis tabady . Mysaly, menıngıt – moıyn bulshyqetteriniń siresýimen, bas aýrýymen jáne qaltyraýmen kórinedi.
Ne isteý qajet
Eger balańyzda moıyn bulshyqetteriniń siresýi jáne moıyn aýmaǵynda aýyrsyný sezimi bolyp, biraq ta qaltyraý nemese basqa da sımptomdary bolmasa, onda:
- Moınyna jyly, ylǵaldy kompress basyńyz
- Aýyrsyný sezimin basý úshin balańyzǵa atsetamınofen nemese ıbýprofen berińiz
- Sımptomdar basylmaǵan jaǵdaıda dárigerge qaralyńyz
Eger balańyzda moıyn bulshyqetteriniń siresýi jáne kelesi jaǵdaılardyń bireýi anyqtalsa, dereý medıtsınalyq kómekke júginińiz:
- Jaqyn arada bolǵan jaraqat
- Sońǵy aı aralyǵy kene tisteýi bolsa
- Bezgek (nárestelerde dene temperatýrasy qalyptydan tómen bolýy)
- Sharshaǵyshtyq, uıqyshyldyq nemese álsireý
- Qozǵyshtyqtyń joǵarlaýy
- Turaqty bas aýrýy
- Qusý
- Kózdiń jaryqqa degen sezimtaldyǵy
- Teri bórtpeleri
- Tumaýǵa tán sımptomdar
- Náresteder úshin: álsiz emýi, qatty daýystap jylaý, eńbeginiń isýi
Aldyn alýdy qarastyryńyz!
- Immýnızatsııany ýaqytyly jasatyńyz, ásirese mınıngıtke qarsy vaktsınany.
- Kenelerden qorǵanýdan jándikterge qarsy repellentter jaqsy kómektesedi (dıetıltolýamıd kontsentratsııasy 10-30%-dan aspaıtyn); balalar men úı janýarlarynda kenelerdiń bar-joǵyn jıi tekserý; keneler shoǵyrlanǵan aımaqta uzyn shalbar men kóılek kııý.
- Balalardyń moınyna jaraqat ákelý qaýpi joǵary oıyndar men jabdyqtardan balardy aýlaq ustańyz.
Derekkóz: http://kidshealth.org/en/parents/stiff-neck-sheet.html