Mazmuny
Obsessııalyq(mezilegish)-kompýlsııalyq buzylys – psıhıkalyq buzylys, mezi qylatyn oılarmen, esteliktermen, qımyl-árekettermen, sondaı-aq, túrli patologııalyq úreılermen sıpattalady (fobııalarmen).
Qoldy jıi jýý — mezilegish-kompýlsııalyq buzylystan zardap shegetin adamdarda jıi kezdesetin áreket.
Ár adam qandaı da bir nárseni keıde tekseredi. Mysaly, úıden keterde gazdy óshirgendigińizdi eki ret tekserýińiz múmkin. Alaıda bul buzylysqa ushyraǵan adamdardyń ár nárseni qysqa ýaqyt ishinde birneshe ret tekserýge nemese belgili bir áreketterdi qaıtalaýǵa qajettiligi bolady, bul ádettegi ómirine zııan ákelýi múmkin.
Udaıy qaıtalanatyn oılar – obsessııa atalady. Mundaı oılardy baqylaý úshin adam belgili bir áreketterdi oryndaǵysy keledi – bul kompýlsııa atalady. Obsessııalyq(mezilegish)-kompýlsııalyq buzylystan zardap shegetin adamdar ózderiniń oılary (obsessııa) men áreketterin (kompýlsııa) baqylaı almaıdy. Bul qylyqtar adamdy baqylaıtyndaı kúıge aparady.
Obsessııalyq(mezilegish)-kompýlsııalyq buzylys erler men áıelderdi birdeı zaqymdaıdy jáne kóbinese, balalyq, jasóspirimdik jáne ersek shaqtyń basynda kórinis beredi. Ádette, bul aýrý adamnyń jasy tolysqan shaǵynda anyqtalady.
Obsessııalyq(mezilegish)-kompýlsııalyq buzylys otbasynyń birneshe múshelerinde bolady jáne tuqym qýalaıdy. Alaıda, keıbir adamdarda bolý/bolmaýynyń sebebi belgisiz. Zertteýshiler anyqtaǵandaı, aýrý mıdyń úreı jáne tolqý sezimderi úshin jaýapty keıbir aýmaqtarynda týyndaıdy.
Sımptomdary :
- Qaıtalanatyn oılar, olar úreılenýge dýshar etedi– «mezileýdi» nemese «obsessııany». Bul jaǵymsyz sózder nemese sýretter. Kúdikter bolýy múmkin.
- Áreketter, qaıta-qaıta jasalyp, úreılenýdi azaıtatyndaı - «kompýlsııalar». Arnaıy sózdi aıtyp, nemese belgili bir qylyqty jasap, oılardy «beıtaraptandyrýǵa» tyrysý múmkin.
Obsessııalyq(mezilegish)-kompýlsııalyq buzylys dıagnozyn obsessııalardyń (mezilegish oılar, ıdeıalar, túsinikter) jáne kompýlsııalardyń (mezilegish áreketter) bolýy negizinde psıhıatr qoıady.
Dıagnostıka ádisteri: syrtqy qaraý jáne surastyrý.
Obsessııalyq(mezilegish)-kompýlsııalyq buzylysty emdeýge psıhıkalyq emdeýdiń túrleri kiredi, olar naýqasty óziniń minez-qulyǵyn jáne úreılený sezimin baqylaý tásilderine úıretýge baǵyttalǵan.
Psıhıkalyq emdeýden basqa antıdepressantardy – kóńil-kúı jaǵdaıyn jaqsartatyn dárilik preparattardy qoldaný keń taralǵan, olar jeke nemese psıhıkalyq emdeýmen birge qoldanylady. Úsh aıdyń ishinde tıimsiz bolsa, dáriger preparatty almastyrýdy usynady.
Obsessııalyq(mezilegish)-kompýlsııalyq buzylys kóbinese, oń boljamdy ótedi, ýaqyt óte kele naýqastar aýrýǵa baılanysty bolǵan mezilegish jaǵdaıdy baqylaı alady. alaıda, keıbir naýqastarda aýyr depressııalyq buzylystar baıqalady, olar ózine qol jumsaýǵa ıtermeleýge deıin aparýy múmkin.
Obsessııalyq(mezilegish)-kompýlsııalyq buzylystan týyndaǵan sımptomdar ómirge, jumysqa jáne adamdarmen qarym-qatynasqa qolaısyz áser etetin bolsa, dárigerge kóriný qajet.