Mazmuny
Dárigerge kórinýden neni kútýge bolady
Bettiń bir jaǵyndaǵy birneshe nemese barlyq mımıkalyq bulshyq etterdiń qımyl qyzmetiniń buzylysy oryn alǵanda bet nervisiniń saldanýy (paralıchi) týraly aıtylady.
Bet nervisiniń saldanýynyń sebepteri:
· Mıdan bettiń bulshyq etterine sıgnaldar beretin bet nervisiniń zaqymdanýy nemese isinýi
· Mıdyń bettiń bulshyq etterine sıgnaldar beretin aýmaǵynyń zaqymdanýy
Saý adamdarda bet nervisiniń nevrıti kóbinese, Bell paralıchimen baılanysty. Bul – bet nervisiniń qabyný jaǵdaıy. Bet nervisiniń saldanýy ınsýltten bolýy múmkin. Insýltte deneniń bir bóliginiń basqa bulshyq etteri de derttik úrdiske qamtylýy múmkin.
Bet nervisiniń nevrıti Bell paralıchimen baılanysty týyndaýy múmkin. Bul buzylys mononeıropatııa (bir nerviniń zaqymdanýy) atalady, bul kezde bassúıek-mı nervisiniń (bet nervisi) jetinshi juby zaqymdanady. Bet nervisi bet bulshyq etteriniń qımylyn baqylaıdy.
Mıdyń isigine baılanysty bolatyn bet nervisiniń saldanýy ádette, baıaý damıdy. Aýrýdyń sımptomdaryna bas aýrýy, qurysý nemese estimeı qalý jatady.
Aýrýdyń basqa sebepteri:
· Mıdyń nemese qorshaǵan tinderdiń ınfektsııasy
· Laım aýrýy
· Sarkoıdoz
· Bet nervisin qysatyn isik.
Dárigerge kórinýden neni kútýge bolady
Dáriger tekserip qaraǵan kezde sizge aýrýyńyzdyń syrqatnamasy men sımptomdary týraly kelesi suraqtardy qoıady:
· Betińizdiń eki jaǵy da zaqymdanǵan ba?
· Jaqynda aýyrdyńyz ba, nemese jaraqat boldy ma?
· Basqa sımptomdary bar ma? Mysaly, silekeı, kóz jas aǵýy, bas aýrýy, qurysý, kórýdegi máseleler, álsizdik nemese saldaný.
Qajetti tekserister:
· Qan taldaýy, onyń ishinde, qandaǵy glıýkozany anyqtaý, qannyń jalpy taldaýy, erıtrotsıtterdiń shógý jyldamdyǵy (SOE), Laım aýrýyna test
· Mıdyń kompıýterlik tomografııasy (KT)
· Elektromıografııa
· Mıdyń magnıttik-rezonanstyq tomografııasy (MRT)
Dáriger fızıoterapevtke, logopedke nemese reabılıtologqa baǵyttaýy múmkin. Eger Bell paralıchi saldarynan paıda bolǵan bet nervisiniń nevrıti 6-12 aıdan artyq sozylatyn bolsa, bettiń syrtqy túrin jaqsartý úshin plastıkalyq hırýrgııa usynylýy múmkin.
Emdeý aýrýdyń týyndaý sebebine baılanysty. Emdeýshi dárigerdiń usynystaryn oryndańyz.
Emdeýshi dárigerdiń úıdegi kútim týraly usynystaryn oryndańyz. Taǵaıyndalǵan dárilik preparattardy nusqaýlyǵyna sáıkes qabyldańyz.
Eger kóz tolyǵymen jabylmasa, móldirqabyqty kóz tamshylarynyń nemese geldiń kómegimen qurǵaqtanýdan qorǵaý qajet.
Betińizde álsizdik nemese saldaný paıda bolsa, dárigerge kórinińiz. Bul sımptomdar kúshti bas aýyrýymen nemese kórmeı qalýmen qosarlansa, shuǵyl medıtsınalyq kómekke júginińiz.
Bettiń saldanýy.